IPEKULU 16:6 - Sumi Naga CL (Re-edited) Bible (BSI)

⁶ Ikehu Moses ngo Aaron pama no timiqo vilo pi, “Egypt yeghi lono nongu saipeghi keu ye Ampeu no kepi nongu no avelau no ithi nani,

BAIBEL (BSI)

⁶ Ikehu Muse ngo Aron pamano Israilmi kumtsu vilo pi,”AMPEU no Ijip lono nongu saipe ghi keu itijino nonguno ithi nanike.

IPEKULU 16:6 Referans Kwoze

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

AKIKIHI 16:30

Ikemu tsala Ampeu no paküta keu kiuala shino, ayeghi no ikothape muku luve no panongu gholono panow pichepighi kümtsü munove aye, eno tishikeu lono panongu ye aküxü no kithimi yeghi lo iqive aye, tileno timi hipaqo ye Ampeu milive keqo kepi nongu no ithilo.”

AKIKIHI 16:28

Moses no ishi pi, “Hipau lono nongu no ithi nanike Ampeu no hipaqo kümtsü shipeniye I puwuke eno I likhi I no kishelu keu lono hipaqo shi anike kumoe.

LESHELE 77:20

Moses ngo Aaron pama u vecheo Nono ambeloji toi Ow timiqo sawue.

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

IPEKULU 12:51

Eno tipa tsalani no Ampeu no Egypt yeghi lono Israelmi aqokitikhi saipeghive.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

LESHELE 81:11

“Ikemu Iw timiqo no I tsa initsü moe; Israel no I lau qhoqhü ighimoe.