IPEKULU 15:7 - Sumi Naga CL (Re-edited) Bible (BSI)

⁷ O kükanguagha kije lono Nono O ghümi sünheqhi; Nono O loghu puwu; tino aghijini toi panoqo pitile ke.

BAIBEL (BSI)

⁷ Akiqheu hukulushi nono oghumiqo hasuluveke; Ologhuno iquipeghi puzu aghijini toi tipaqo pitiveke.

IPEKULU 15:7 Referans Kwoze

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

ISAIAH 47:14

Julo, panongu ye amihi toike; ami no panongu pitive nani; panongu ye amiküqü küka lono pano likhi pano xamla nani. Hi ye püghalu chekeu mi momu tipau zülo ngolu chekeu kumoe.

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

ISAIAH 5:16

Ikemu aqokitikhi MPEU ye Pa chipiu lono süqhe nani, eno amikucho no Akimthe Lhou ye akimthe kepi piye ani.

LESHELE 148:13

Panoqo pelo Ampeu je sheqhe pelo, kughengu Pa je likhi no akiqheu ke; Pa kükanguagha ye ayeghi ngo atsütsü shou ani.

LESHELE 83:13

O I Lhou; panoqo ye ayeghimkhu fukichighi toive pelo, amülhü zülo amuu toive pelo.

ZAKINIU 33:26

“O Jeshurun, Alhou toike khumu kühae, Pa no kükanguagha lono atsütsü kathasü o kuphu nike cheni.

Apostolmi 9:4

Pa ye ayeghi lo ikiqive eno asütsa lakhino pa vilo pikeu chilue, “Saul, Saul, no ye kushiye I kijipüsa ani kea?”

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

ZEKHARIA 14:8

Tipa tsalani aküxüpu zü no Jerusalem lono qoipeghi no tüxa no kipelau züghi lo qoilo nani eno tüxa no kulolau züghi lo qoilo nani. Tipau ye mütsü eno süsü tusho kupuju qowu anani.

ZEKHARIA 14:3

Tithiu Ampeu no aghüshi tsala lo küpüghü cheke toi wuno shiye hupaqo küpüghü nani.

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

JEREMIYA 10:6

O Ampeu, O toike kühae; No ye kije, O je ye aküka kije ke.

ISAIAH 37:38

Pa no pa lhou Nisrokh chineki lo mlla akelono pa nu Adrammelech ngo Sharezer pama no azütakikihi pesü pa ghiqhive. Tithiu pama ye Ararat yeghi lo pove, eno pa nu Esarhaddon no pa thisü luve.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 37:17

O kini kughope ini tsülo O Ampeu; O nhethi tsükhope ju tsülo O Ampeu; eno Sennacherib no aküxüküa Lhou thogha nike atsa khikhi pi puwu ani keno, kümtsü ini tsülo.

LESHELE 68:33

Mulhou tsütsü lo cheche keu julo, Pa no asütsa, akughushu sütsa puwue.

LESHELE 59:13

aloghu no panoqo küzüve lo; panongu no kühave moke kutolo khonha luvelo, tishikeu lono ayeghi shekichi kutolo panongu no Alhou ye Jacob shou ayepe cheni kepi ithi nani.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

IBRIMI 12:29

kughengu ni Lhou ye pitimaha keu mike.

IPEKULU 14:27

Ikehu Moses no azüghi shou pa u chhopuwu, eno kughou inaqhe shive keno azüghi no ideilo azüu tholo ngove. Egyptmi no tipau lo posü ilove kelo, Ampeu no Egyptmi azüghi mta lo vesüve.

ZAKINIU 4:24

Kughengu Ampeu nongu Lhou ye amiküqü eno anhekushu Lhou ke.

IPEKULU 5:12

Ikehu timiqo no Egypt yeghi kümtsü lo aghijini hekütsüni ye apanagha wukhave.

JOB 9:4

Pa ye alokütsü eno aküka kughushu ke khuu no Pa mjochile no toluve akea?