IPEKULU 15:22 - Sumi Naga CL (Re-edited) Bible (BSI)

²² Tithiu Moses no Israelmi sasü Akuhu Züghi lono iqesü Shur sayeqha lo wuve. Panongu no asayeqha lo atsala küthü chesü wu, ikemu azü ithulu move.

BAIBEL (BSI)

²² Tipathiu Muse no Israilmi sasu Akuhu Zughi lono Shur sayeqha kudau sawuve. Ghulo kuthu kutolo panonguye asayeqha vechesu wuke ikemu azu phumlave.

IPEKULU 15:22 Referans Kwoze

BOTHUBO 16:7

Ampeuw kungumi no asayeqha lo Shur la lo azüpuki akeu lono li ithulu.

SAMUEL ATUGHIU 15:7

Saul no Havilah lono Egypt kipelau Shur kutolo Amalekmi leluve.

BOTHUBO 25:18

Panongu ye Havilah lono Shur, khikhi Egypt ghüngü lo Assyria küdau ani keno, tipa kutolo küghünauve. Pa ye pa sholokumi kümtsü mjochile ghi küghünauve.

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

BOTHUBO 20:1

Tilauno Abraham ye Negeb ghakhu küdau itsüsü wuve eno Kadesh ngo Shur dolo ngove; pa ye Gerar lo inami shi ado hami ngove.

AKIKIHI 33:8

Panongu no Hahiroth lono chesü azüghi mta kathasü asayeqha lo ilove no atsala küthü kutolo chesü Etham qhalo wuno Marah lo aghazü shilu.

SAMUEL ATUGHIU 27:8

David ngo paw timiqo no wuno Geshurmi, Girzimi, eno Amalekmi lewu, kughengu hipaqo ye inahuu no, Shur ngo Egypt yeghi kutolo xüsüve kemi ke.

LESHELE 77:20

Moses ngo Aaron pama u vecheo Nono ambeloji toi Ow timiqo sawue.

LESHELE 78:52

Tithiu Pa no Paw timiqo ambe toi saphe sawu eno yenguyike-a lo ambe loji toi ala kiche sasü wuve.

LESHELE 78:53

Pa no kutokupui panoqo sawu kehu panongu ye msave moe, ikemu azüghi no pano ghümi pütsüqhive.

LESHELE 136:16

Pa no Paw timi sasü asayeqha katha wue; kughengu Paw iqemokeu kikimiye ye alholo acheni;

IPEKULU 17:1

Ampeu zakütsü kiqi lono Israelmi qoaho kümtsü Sin sayeqha lono iqesü a-a lakhi lono lakhi lo wuve no Rephidim lo aghazü shiluve, ikemu timiqo ghenguno azü yekepu kühave.