IPEKULU 14:16 - Sumi Naga CL (Re-edited) Bible (BSI)

¹⁶ O küsü peqhelo, eno azüghi shou o u chhopuwo no ti kijetha lo, tishianguno Israelmi no qhaike yeghi dolono azüghi lo katha wulu nani.

BAIBEL (BSI)

¹⁶ Okusu ikhiqhe pesu azughi shou pe ngolo. Azuye kije thaveno Israilmiye ayeghi qhai keu lono azughi katha chesusu wulu nani.

IPEKULU 14:16 Referans Kwoze

IPEKULU 7:19

Ampeu no Moses vilo pi, “Aaron vilo pi lo, ‘O küsü ikhipe Egypt lo azüghi, aghoki, azüla, ayizükucho, eno pano zükikhe kümtsü shou chho puwolo, tishianguno tipaqo pelo aji ilhou khave peni, eno Egypt yeghi kümtsü lo aji likhive peni, asü tughuko ngo atu tughuko lo azü akeqo ghi aji ilhouve peni.’”

IPEKULU 14:26

Tile Ampeu no Moses vilo pi, “Azüghi shou o u chhopuwu lo, tishianguno azü no Egyptmi eno panow khurkulu ngo khurshimi shou idechile ikughive penie.”

IPEKULU 4:20

Ikehu Moses no pa nipu eno pa nuli saluve no khurgha shou pukuve, eno Egypt yeghi lo idewove. Eno Moses no pa u lo Alhou küsü peluve.

IPEKULU 4:17

O u lo aküsü hipau pelu lo, hipau vecheo nono amchipuqo mla nani.”

IPEKULU 4:2

Ampeu no pa vilo pi, “O u lo kiu peani kea?” Pa no pi, “Aküsü lakhie.”

ISAIAH 10:26

Oreb tuqu qhalo aqokitikhi MPEU no Midianmi ghaqhi kelo toi, Pa no akighikipili pesü panoqo küzaqhi nani. Eno Egypt lo Pa no aqheküsü peqhe keshi, Pa qheküsü huno azüghi shou anani.

IPEKULU 7:9

“Kughou Pharaoh no nokujo vilo, ‘Akümzapu kümla lakhi shipe nokujo kimchiju lo,’ ipini keno, tileno nono Aaron vilo pilo, ‘O küsü ikhipe Pharaoh zülo veqhiju lo, tino apighi ilhouve nani.’”

AKIKIHI 20:11

Moses no aküsü peqhe no atuqu shou ghuthu kini ghapuku kelo azü no kupukuno shi ipeghi, eno timi ngo lhoxü kümtsü azü yelu.

IPEKULU 14:15

Ampeu no Moses vilo pi, “Nongu ye kushiye I lau ighamku ani kea? Israelmi vilo azüu wulo pilo.

IPEKULU 17:5

Ampeu no Moses vilo pi, “Israel lo layemi khami o gholono sasü timiqo heche wulo, eno aküsü khipau pesü nono Nile lo hesü keno tipau o u lo pesü wulo.

IPEKULU 17:6

Julo, I no Horeb lo atuqu shou o zülo puthugho nani, no ye tilehi atuqu shou ghapuku lo, tipau lono azü ipeghi nani, eno timiqo no azü yelu nani.” Moses no Israel lo layemi zülono tishie.

JOSHUA 8:18

Tishi akelono Ampeu no Joshua vilo pi, “O u lo angu pesü Ai küdau chhopuwo lo, kughengu I no aphughi pesü o tsüveni.” Eno Joshua no pa u lo angu pesü Ai küdau chhopuwo.

KUKAMI AKINIU 4:29

Pa no Gehazi vilo pi, “O phimini pepuve lo eno I küsü ikhipe wulo. Khuana sholu namu pütsa kevilo, khuana no o pütsa namu khochile kevilo. Eno I küsü pesü anu gi lo bepe qhilo.”

HABAKUK 3:8

O loghu ye aghokiqo shou keshea, O Ampeu? Kughou Nono Ow khurshi eno xakulu khurkuluqo sa keno, O ghakighide ye azüghi shou akeo aghokiqo shou akea?