IPEKULU 14:10 - Sumi Naga CL (Re-edited) Bible (BSI)

¹⁰ Kughou Pharaoh no kupunu ighi keno, Israelmi no panongu nhethi tsüpuku jukelo Egyptmi no panoqo thiu cheghi, eno panongu ye shishe msave. Israelmi no Ampeu lau ighamku.

BAIBEL (BSI)

¹⁰ Akukau ngo pawu ghushi miqono Israilmi kudau kuhapo chekeu ithulukelo timiqoye msakhokho shive eno AMPEU vilo kuphu lopi ighamuku ighae.

IPEKULU 14:10 Referans Kwoze

LESHELE 107:6

Tithiu panoqo ghime lono panongu no Ampeu lau qae, eno panoqo ghime kitikhi lono Pa no panongu xaphe luve.

LESHELE 34:17

Kughou amikuchomi no kuphu penike ighamku keno, Ampeu no chilu no aküküpna kümtsü lono xaphelu cheni.

NEHEMIA 9:9

“Nono ni puasüqo no Egypt lo kishi aghime shi keno ithulu eno Akuhu Züghi lo panongu no ighamku keu chilu tsüe,

JOSHUA 24:7

Ikemu kughou panongu no Ampeu lau ighamku keno, Pa no Egyptmi ngo nongu dolo aküzü süvetsü eno azüghi no Egyptmi shou ikuvepe eno panongu küzüluve peke; eno nongu nhethi no I no Egypt lo kiu shi keno ithulue. Nongu ye asayeqha lo ado kushuo xüche.

LESHELE 106:44

Tishinamu, kughou Pa no panoqo küqa chilu keno Pa no panoqo ghime kitikhi ithulu tsüe.

LESHELE 53:5

Panongu ye thüghüi kepu küha keu-a lo shishe thüghüipe ani! Kughengu Alhou no o ghümi saghi kutholeve tsüae; nono panoqo shikujovae, kughengu Alhou no pano milive.

YEKIKITHI AKINIU 18:31

Ikehu panongu no akükau Jehoshaphat ithulu kemtsa pi, “Hi no Israelmi kükaue.” Panongu no pa mjonike ighive, tile Jehoshaphat no ighamku kelo Ampeu no pa kuphu; Alhou no pa launo tipaqo satsüghüsü wuve.

1 John 4:18

Kikimiye loye akümsapu kühae, ikemu kupukülai keu kikimiye no akümsapu hapheve tsü cheni. Kughengu msaighü keu ye aghimepu kiqi ghike, khunono msaighü cheni keno kikimiye lo kupukülai lumphie.

JEREMIYA 22:23

O Lebanon lo küxümiqo, Cedar kilo akeqo, topumi no apunu küsü sü aketoi nongu shou kushuküqha ikughi kelo kishi kimiye kepu shinani kela!”

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

ISAIAH 7:2

Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

LESHELE 107:28

Tithiu panongu no aveküsa lono Ampeu lau qae, eno Pa no aghime kitikhi lono panoqo xaphelu.

LESHELE 107:19

Tithiu pano veküsa lono panongu no Ampeu lau qae, eno pano ghime kitikhi lono Pa no panoqo xaphelue.

LESHELE 107:13

Tithiu pano ghime lono panongu no Ampeu lau qae, eno pano ghime kitikhi lono Pa no panoqo xaphelue.

IPEKULU 15:25

Moses no Ampeu lau ighamku, eno Ampeu no asüta lakhi pa piye, pa no tipau azü lo vesüve, eno azü ye yelu kepu shive. Tile Ampeu no panoqo ghenguno ayezah lakhi mlatsü, eno tileno panoqo peju

ZAKINIU 9:7

Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

IPEKULU 13:17

Kughou Pharaoh no timiqo puwuve keno, Philistiami yeghi küdau no akughukhou shi akemu Alhou ye panoqo sasü tipa la wumoe. Kughengu Alhou no pi, “Kughou timiqo no aghükishi ithuluni keno, panongu ye amlo kilive no Egypt lo idewove nosae.”

JOSHUA 24:6

“‘Tishino I no nongu puasüqo Egypt lono saipeghi eno nongu no azüghi lo ighi. Egyptmi no khurkulu ngo khurghüshimi sasü nongu puasüqo Akuhu Züghi kuto haighi.