IPEKULU 13:12 - Sumi Naga CL (Re-edited) Bible (BSI)

¹² no ye atita khaqhi tüghüu thaqhü ikhi kütüta shipe Ampeu tsüni. Ow lhoxü piti tüghüu atsü thaqhü ye Ampeu ke.

BAIBEL (BSI)

¹² nonguye anu anoghiu kumtsu pesu AMPEU lau pakuta keu shi mlla masake. Nowu lhoxu atsu piti tughiuye kumtsu AMPEU wuke,

IPEKULU 13:12 Referans Kwoze

AKIKIHI 18:15

Timi na lhoxü namu punu tüghüu Ampeu tsükeu ye nonguw ke. Tishinamu, timi na lhoxü punu tüghüu mithemo keu ye nongu no qhüchile luveni.

ACHINE 27:26

“Ikemu lhoxü piti tüghüu ye Ampeu saje kehu khumu tipau pesü ikhiphe tsümoni; amishi na ambe namu Ampeuw ke.

IPEKULU 34:19

Atianuli dolo anoghiu, amishi, ambe eno pichepighi atsü atüghüu ye kümtsü Iw ke.

EZEKEL 44:30

Axathi amsüu jeli kümtsü eno akümllagho jeli kümtsü achinemi sala shini. Nongu no asho kunu keu atüghüu pesü achinemi tsülo, tishianguno nongu kibo lo kükümgha apenie.

IPEKULU 13:2

“Anoghimi kümtsü I lau ikhiphe tsülo. Israelmi dolo timi eno tüghashi kiu kiumu atita khaqhi tüghüu ye Iw ke.”

ZAKINIU 15:19

“Amishi eno ambe piti tüghüu atsü thaqhü ye Ampeu lau ikhiphe tsülo. Tipaqo sasü akümla shimoni, eno tipaqo mhi gholu moni.

IPEKULU 22:29

“No ye ghile kupukuno shi akeu momu atsaizü qole akeu pesü mllani keu lo süpushu moni. O nu anoghiu ye I tsülo.

AKIKIHI 8:17

Kughengu Israelmi gholo timi na tüghashi namu anoghiu thaqhü ye Iw ke. Panongu ye I no Egypt lo anu anoghiu thaqhü pithiveke tsalani no I salashi kishekimthe ke,

AKIKIHI 3:12

“Julo, I no Israelmi gholo anu anoghiuqo züqhulo Levimi luvae. Panongu ye Iw shiniae,

Luke 2:23

(ti ye Ampeu Yezah lo ishi yepüake toi, “Aza no punu tüghüu kiptimi thaqhü ye Ampeu tsükeu michishi akimthe ipi kuni”)

IPEKULU 13:1

Ampeu no Moses vilo pi,

EZEKEL 16:20

Nono I lau punu tsükeu o pu-angaqo pesü tsüqhi chuve peniye tipaqo lau aghashi ke. Nono kütüqhalimi shikeu ye avehu tachu kesheno

IPEKULU 22:28

“No ye Alhou thaigha moni, momu now timi sakiphemi ghusho moni.

IPEKULU 34:20

Khurha piti tüghüu ye ambe lakhi pesü qhüchilelu nani, tsala nongu no tipau qhüchile lumo aye, tipau kuo hechheve tsülo. Nongu nu anoghiuqo ye qhüchile luve lo. Eno khukhumu I zülo au kümsa ighimo nani.

AKIKIHI 3:13

kughengu anu anoghiu thaqhü ye Iw ke. Egypt yeghi lo I no anu anoghiu kümtsü pithiveke tsala lono Israelmi kibo loye timi na tüghashi namu, anoghiu thaqhü ye I no Iw shinike kishekimtheve. Ikehu panongu ye Iw shinani. Ni ye Ampeu ke.”

NEHEMIA 10:36

Ayezah lo yepüake toi ningu no niw kiptimi anoghiu eno niw lhoxü dolo piti tüghüu sawo achineki lo achineu tsüni, ti ye niw amishi loji, ambe loji lo piti tüghüu pesü akimthe shi ikhiphepe tsüni.

NEHEMIA 10:37

Athi atüghüu lono asho kunu keu, alulo pekighi qhasü keqo, asübo jeli lono axathiqo, atsaizü eno thazü, kümtsü Alhou chineki chebo lo, achineu lau pewuni. Ayeghi lo pekighi thaqhü chighi saje ye Levimi lau pewuni, kughengu Levimi no ni phughi kümtsü lo chighi saje hekütsü cheni ke.