IPEKULU 10:3 - Sumi Naga CL (Re-edited) Bible (BSI)

³ Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

BAIBEL (BSI)

³ Ike Muse ngo Aron pamano akukau lau wuno pavilo pi, “Ibrimi Lhou, AMPEU no pianike, ‘Noye khitohi kutolo izulo itsaqimono mili auvea kya? Iwu timiqo pelo imllape kepushi puwuvelo.

IPEKULU 10:3 Referans Kwoze

1 Peter 5:6

Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

KUKAMI ATUGHIU 21:29

“Ahab no kishi I zülo kuchuni ani keno ithulu anima? Pa no I zülo kuchuni ani kehu pa xüloye pa lau amhekiqipu puwu tsümoae; ikemu pa nu ghuloki lono pa kibolomi shou puwu tsüni.”

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

EZEKEL 5:6

Ikemu li no shiyeqo nguno alau kixikila shikeu lono Iw pimheyeqo hebidevae, eno li homxape akeu ghakhuqo nguno alau I yezahqo hebidevae; kughengu panongu no Iw pimheyeqo milive eno I yezah lo cheche move ke.

JEREMIYA 13:10

Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

AHOLE 18:12

Kütsakungo mphilo timi mlo ye tsütsüngoju cheni, ikemu agigihupu ighi nike züu aqhokigheu shicheni.

AHOLE 1:24

Ikemu I no nongu ku apülaghi nongu no ini tsümo, I u sükho kemu khunomu akhoto shitsümo,

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

KUKAMI ATUGHIU 18:21

Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

AKIKIHI 14:27

“I no hi kixikila qoaho kumchho chiluve ake panongu ye khitohi I shou muchho anani kea?

IPEKULU 16:28

Ampeu no Moses vilo pi, “Nongu ye khitohi I yezah papeni keu miliveni kea?

IPEKULU 9:17

No ye itehi kutolo no ampi sheqhe ghi Iw timi mjochile ani eno panoqo puwu amoe.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

IPEKULU 4:23

eno I no o vilo pi ani, “I nu puwuvelo tishianguno pa pelo I qe penie.” Tsala nono pa puwumo aye, julo, I no o nu anoghiu pithive tsüni.’”

IPEKULU 10:4

Kughengu nono Iw timi puwuni keu milive aye, julo, I no thoghiu tülhaqu o ghakhu lo süghini,

KUKAMI AKINIU 22:19

kughou I no a-a hipau eno hile xüküami püghave no ghushoveni keu nono philu keno, nono o mlo pebide eno kuchuni püzü o phimini süxü no I zülo mloqa kehu, Ni ghi ti chiluve tsüae, ipi Ampeu no sheshu ani.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

DANIEL 5:22

No, pa nu, Belshazzar, huno hipaqo kümtsü ithi akemu o mlo kuchuni movae,

IPEKULU 5:1

Ado hami thiu Moses ngo Aaron pama no wuno Pharaoh vilo pi, “Ampeu, Israel Lhou no ishi piani, ‘Iw timiqo puwuvelo, tishianguno panongu pelo yenguyike-a lono I lau tiqhetini shi penie.’”