IPEKULU 10:20 - Sumi Naga CL (Re-edited) Bible (BSI)

²⁰ Ikemu Ampeu no Pharaoh mlo shikümkave tsü, eno pa no Israelmi pelo wu pemoe.

BAIBEL (BSI)

²⁰ Ikemu AMPEU no akukau pelo amlo hekikepe auvepe eno pano Israilmi pelo wupemove.

IPEKULU 10:20 Referans Kwoze

IPEKULU 4:21

Ampeu no Moses vilo pi, “Kughou nono Egypt lo idewo keno, amchipu kümla I no o u lo sütsü keu kümtsü Pharaoh zülo shikepu shi jukuto lo. Ikemu I no pa mlo shikümka tsü nani, tishikeu lono pa no timiqo puwumo nani.

IPEKULU 11:10

Moses ngo Aaron pama no Pharaoh zülo akümzapu hipaqo shie, eno Ampeu no Pharaoh mlo shikümkave tsü, eno pa no pa yeghi lono Israelmi puwumoe.

ZAKINIU 2:30

Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

IPEKULU 9:12

Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.

IPEKULU 10:19

Ampeu no amülhü pesü ighono akümka kulola mülhü shivetsü, tino tülhaquqo fusasü Akuhu Züghi lo süve tsü. Egypt ghakhu kümtsü lo tülhaqu lakhimu kühave.

IPEKULU 10:27

Ikemu Ampeu no Pharaoh mlo shikümkave tsü, eno pa no panoqo pelo wu pemove.

IPEKULU 3:19

Ikemu I no ithi anike akughushu u no tsüikhomo pa kite moke kutolo Egypt kükau ye nongu puwumo nanie.

IPEKULU 10:1

Tithiu Ampeu no Moses vilo pi, “Pharaoh lau ilolo, kughengu I no pa ngo pa qemi mlo shikümkave tsüae, tishikeu lono panoqo lau Iw amchipu hipaqo piyeni,