IPEKULU 10:17 - Sumi Naga CL (Re-edited) Bible (BSI)

¹⁷ Tighenguno, kimiyeno itehi I kipimi qhive tsülo, hi likhi ake, eno Ampeu nongu Lhou vilo I launo akithi hipau ikhive tsü penike inikhu tsülo.”

BAIBEL (BSI)

¹⁷ Itehiye hi ghuthu lakhi ixine qhivetsulo eno aghime kitikhi hipau ilauno ikhisuwuve tsupenike AMPEU Alhou vilo inikhulo.”

IPEKULU 10:17 Referans Kwoze

IPEKULU 8:8

Tileno Pharaoh no Moses ngo Aaron kuno pi, “I lau eno Iw timi launo achuyiqo ikhi süwuve tsü penike Ampeu lau qhüiniju tsülo, eno I no timiqo pelo Ampeu lau aghakishi tsülu penike puwunie.”

IPEKULU 9:28

Ampeu vilo inikhu tsülo, kughengu Alhouw pasapagha ngo mürasü ye ihulovae. I no nongu puwuveni, eno itehi nongu ye ngokithe pemoae.”

KUKAMI ATUGHIU 13:6

Akükau Jeroboam no Alhou timi vilo pi, “I ghenguno Ampeu o Lhou vilo inikhu tsülo eno I u hipau shipivi tsülo.” Alhou timi no Ampeu vilo inikhu tsü, eno akükau u ye athoputho luve.

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

Rommi 15:30

Athiküzümiqo, ni Mpeu Jisü Khristo eno Aghungu kikimiye vecheo I no hakite ani: I no aghimeküsa shi akelo nongu kighini lono I züqhushi Alhou lau khu tsülo;

Apostolmi 8:24

Simon no khochile, “Nono pive keu lakhimu I shou ighi pemoni ke I ghenguno Ampeu vilo inikhu tsülo.”

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

KUKAMI AKINIU 4:40

Tishino panongu no akulhozü lesüpe timiqo pelo ye peniye sütsü. Ikemu panongu no akulhozü ye akelono ighamku, “O Alhou timi, akulhozü lo akithipu ani!” Eno panongu ye chumlave.

SAMUEL ATUGHIU 15:25

Tighenguno itehi kimiyeno I xine qhive tsülo eno I sasü wolo, tishino I no Ampeu zülo itsaqini.”

IPEKULU 8:28

Ikehu Pharaoh no pi, “Tsala nongu no kushuo lo wumo kepu shi aye, I no nongu pelo yenguyike-a lo wuno Ampeu no Lhou lau aghashilu peni. I ghenguno inikhu tsülo.”

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

IPEKULU 8:4

Achuyiqo no o shou, ow timiqo shou eno o qemi kümtsü shou ikughive nani.”’”

AKIKIHI 21:7

Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.