IPEKULU 10:1 - Sumi Naga CL (Re-edited) Bible (BSI)

¹ Tithiu Ampeu no Moses vilo pi, “Pharaoh lau ilolo, kughengu I no pa ngo pa qemi mlo shikümkave tsüae, tishikeu lono panoqo lau Iw amchipu hipaqo piyeni,

BAIBEL (BSI)

¹ Tipathiu AMPEU no Muse vilo pi, “Wuno akukau sasu kusholo.Ino papelo eno pau kijemi pelo amlo hekike auve apeke tishi anguno panoqo gholo ino akumzapu michi hipaqo shiniyeke.

IPEKULU 10:1 Referans Kwoze

IPEKULU 4:21

Ampeu no Moses vilo pi, “Kughou nono Egypt lo idewo keno, amchipu kümla I no o u lo sütsü keu kümtsü Pharaoh zülo shikepu shi jukuto lo. Ikemu I no pa mlo shikümka tsü nani, tishikeu lono pa no timiqo puwumo nani.

Rommi 9:17

Kughengu Kuchoyesü lo Pharaoh vilo ishi pi püani, “I no o süqhe puku keu ye o launo I küka pephe eno ayeghiqha kümtsü lo I je sheshu peni keu kimji lono ke.”

IPEKULU 3:20

Ikehu I no I u sükho no akümzapu kümla kümtsü shipe Egypt ghadaqhi nani; tithiu no pa no nongu puwu nani.

LESHELE 7:11

Alhou ye amikucho xaküthau, Pa ye tsalakipe alhoksa shou axuide chekeu Lhou ke.

SAMUEL ATUGHIU 4:8

Ni ghenguno ahasapuae! Khuu no hi akughushu lhouqo launo ningu xaphe luni kea? Asayeqha lo chekelo alhou hipaqo no Egyptmi shou püsa jeli puwuke.

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

IPEKULU 7:4

Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani.

John 12:40

“Pa no panoqo nhethi kighicheve tsü eno pano mlo shikümkave tsü, tikumo ye pano nhethi no ithulu, pano mlo no vethalu no xaide kelo I no pano shipivilu nosae.”

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

IPEKULU 9:12

Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.

JOSHUA 11:20

Kughengu ti ye Ampeu no kughu keu kiqi lono Pa no tipaqo mlo shikümkave tsüno panongu pelo Israelmi sasü aghüshi peniye ke, tishianguno Ampeu no Moses azah tsüke toi panoqo kipimi qhitsü mono kütsave peniye ke.

IPEKULU 10:20

Ikemu Ampeu no Pharaoh mlo shikümkave tsü, eno pa no Israelmi pelo wu pemoe.