IBRIMI 9:15 - Sumi Naga CL (Re-edited) Bible (BSI)

¹⁵ Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

BAIBEL (BSI)

¹⁵ Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

Sümi Tiqhelimi Bible

¹⁵ Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

IBRIMI 9:15 Referans Kwoze

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 7:22

Hi no Jisü pesü puloshoqhi akiviu pepimhe kütsüu shipe ke.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

Rommi 5:6

Kughengu ningu no miqemlei akelo ado achipi lono Khristo no küsaküghami ghenguno thive tsüe.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

IBRIMI 6:13

Kughengu kughou Alhou no Abraham lau piqhi keno, Pa ye Pa nguno akijeu küha keke khuu lau piqhimo kehu Pa ampi je kuno tushoqhi,

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

IBRIMI 8:13

Hipa gholau no puloshoqhi akitheu tsa pi püzü Alhou no puloshoqhi atüghüu pesü adou shivetsüe. Eno kiu no adou eno aqa shive ani keno ti ye pai hauve nani.

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

1 John 2:25

Eno hi ye Khristo no ningu lau piqhikeu shoqhi—lhokta küxü huke.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

IBRIMI 9:16

Milakhi no amheghi tsüniye yepüa kelo pa ye thivae pikeu paghi mtsüqhei lumasae.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

Rommi 9:24

eno ti ye ningu khunoqo Pa no kuluve akeno, Jewmi dolo likhi kumono Jewkumomiu ghi kümtsü kihisü ani.

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

Rommi 5:8

ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

Luke 18:18

Tile yepeu lakhi no Jisü vilo ighiju, “Shikükau kiviu, ni ye lhokta küxü ighilu nike kiu shimasa kea?”

Mark 10:17

Jisü no tipa-a qhive no wuche kelo timi lakhi no ala lo hasü ighi no pa zülo qhoqhünhepe ngono pi, “Shikükau kiviu, ni ye lhokta küxü ighilu nike kiu shimasa kea?”

MATTHEW 25:36

I no aphikümsa shi akelo nongu no aphimini I puu, I no küsükini shi akelo nongu no I tucho, I no akughuki lo akelo nongu no I pütsa ighie.’

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

LESHELE 37:18

Tukutiye küha kemi tsala Ampeu no ithi ani, eno pano mheghi ye alhokupuju ache nani;

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

MATTHEW 22:3

Pa no kuküsümi kusaghi penike pa qemi puwu, ikemu panongu no ighini shimove.

Luke 22:20

Titoi panongu no chuve kethiu pa no ajukhu ikhilu no pi, “Ajukhu hipau nongu ghenguno peleve tsü akeu ye I ji lono puloshoqhi kithe shi akeu ke.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Galatiami 3:20

Lacheu huye amqo lakhi sala likhi kumoe, ikemu Alhou ye lakhie.

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.