IBRIMI 8:2 - Sumi Naga CL (Re-edited) Bible (BSI)

² pa ye timi no shikeu kumono Ampeu no shikeu phiki kuchou, akimthe-a lo hukuthuu ke.

BAIBEL (BSI)

² Shishe Akimthe-alo, tiye timino shikeu kumono Ampeu no shipe puakeu phiki kuchoulo achinetou kumla shi acheni.

Sümi Tiqhelimi Bible

² eno pa ye timi no mülà keu akimthe-a kumo püzü Ampeu no puloshoqhi-chebo kuchou mülà tsü keu akimthe-a lo achinetou shou atou kümlà shi acheni.

IBRIMI 8:2 Referans Kwoze

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

IPEKULU 33:7

Moses no aphiki pesü aghazü nguno khalau kushuo lo tshüpe qhiche, eno pa no tipau pesü kuposhukulu phiki kutsü. Ampeu phuni kemi kümtsü no aghazü khalau kuposhukulu phiki lo wuche.

IBRIMI 11:10

Kughengu pa ye aboqha kumto phughi khikhi Alhou no kughuphe eno shiqhe keno tipau lajukhe cheke.

IBRIMI 10:21

eno ningu ye Alhou ki shou achineu akijeu ani kehu,

Kolosiami 2:11

Pa gholono nongu ghi timi u no aphimpi shi ikhive keu kumono Khristo no shikeu ghola lono aphighüyiko ghavae,

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

IPEKULU 28:35

Kughou Aaron no achine kümla shini keno, pa no pepuni, eno amqü ghügha ye kughou pa no Akimthe-a lo Ampeu zülo ilo eno ipeghini keno tileno chilu nani, tishianguno pa ye thimo nani.

IPEKULU 28:1

“Israelmi gholo achinemi shi I qe penike o mu Aaron ngo pa nuli Nadab, Abihu, Eleazar eno Ithamar ishi saghilo.

IPEKULU 25:9

I no aphiki kogheküghü eno tile tinhemgha kümtsü o piyeve keu tholono nongu ye tipau mlani.

IBRIMI 9:1

Puloshoqhi atüghüu ghi akümlla khuaye eno ayeghilo kimthe-a acheke.

IBRIMI 10:11

Achinemi no tsalakipetsü puthugho no pa kümlapu shi acheni eno khilemu axine peve tsümlani keu ghakishi pesü anguno anguno tsü acheni.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.