IBRIMI 7:27 - Sumi Naga CL (Re-edited) Bible (BSI)

²⁷ Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

BAIBEL (BSI)

²⁷ Paye achinemi kutami toimoke. Paye atsala kipetsu pa likhi pa xine ghenguno eno tipathiuno timiqo ghenguno lhoxu heqhi pesu Alhou lau akumllagho tsukepu avehupu kuhae. Kughou pano pa likhi pa mpi ikhiphepe tsukeno tileno ghuthu khavino alhokupuju ghenguno hipau shivae.

Sümi Tiqhelimi Bible

²⁷ Achinetomiqo shou atou kütamiqo toi pa ye tsalà kipetsü atüghishi pa xiné ghenguno eno tithiu no timiqo xinéqo ghenguno aghakishi pesü Alhou mülá kepu vehu kühae. Pa ye kughou pa likhi pa ikhiphe pe tsüve keno tile no ghuthukhavi lono kümtsü xinéqo ghenguno aghakishi shive tsüke.

IBRIMI 7:27 Referans Kwoze

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

IBRIMI 5:3

Hi gheno pa no timiqo xine ghenguno aghashi cheke toi pa ampi sala shi masave cheni.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Rommi 6:10

Kughengu Pa no thikeu kithi ye ghuthu khavino kümtsü ghenguno axine küdau thive, ikemu Pa no xü akeu küxü ye Alhou lau xü anie.

IBRIMI 9:25

Momu achinetou no ampe atsütsü pa ji kumono lhoxü ji pesü akimthe-a lo ilo chekeu toi Khristo ye anguno anguno pa pephe tsüniye iloke kumoe,

ACHINE 16:11

“Aaron no pa kibolomi ngo pa sala ghenguno amshitsü pesü axine kümllagho shinike amshitsü heqhini.

IBRIMI 9:7

ikemu akiniu bocho loye achinetou likhino ampe lo ghuthu lakhi likhi iloche, tighi pa ampi ghenguno eno timiqo kümtha xine ghenguno aji pemo keloye ilo chemoe.

IBRIMI 5:1

Kughengu timi no achinetou kishe keu thaqhü ye axine ghenguno timiqo züqhushi Alhou lau akümllagho ngo aghakishi tsü penike süsü cheni.

ACHINE 16:15

“Tishino pa no timiqo ghenguno axine kümllagho shi ane ghiqhi no aji pesü nhaqhiphi thiu ilo no amshitsü ji pesü shike toi kimiyekini lakhü shou eno agizüu küzüteni.

ACHINE 16:6

“Aaron no pa eno kibolomi ghenguno lochile tsü penike amshitsü pesü axine kümllagho shitsüni.

Ephesiami 2:22

Alhou kungo-a shilu penike Aghungu vecheo itaghi nongu pesü kütami gholono shiqhe puku acheni.

EZEKEL 43:19

nono axine kümllagho ghenguno atsüaqu dolono amshitsü lakhi pesü Zadok limi Levimi achinemi khunono I mllani ke I kupunu ani keno panoqo tsüni ipi Ampeu no asheshu.

IBRIMI 8:4

Pa no ayeghi lo aghike aye, achinemi shimoni cheke, kughengu Ayezah kiqi lono akümllagho pesü mllani kemi achinemi akhani.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.