IBRIMI 7:25 - Sumi Naga CL (Re-edited) Bible (BSI)

²⁵ Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

BAIBEL (BSI)

²⁵ Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

Sümi Tiqhelimi Bible

²⁵ Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

IBRIMI 7:25 Referans Kwoze

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

IBRIMI 7:19

(kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

John 14:13

Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

DANIEL 3:17

Tsala hipau shikepu shi aghi aye, ni Lhou khuu nino qe acheni keno Pa ye kuchughei keu miphoki lono ningu xaphelu nani eno o u lono ningu xaphe luve nani, O akükau.

JOB 23:3

O khileno Pa phuluni keno ithi keaye I no Pa lakhü-a lomu wuni chekeghi lae!

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

IBRIMI 7:16

pa ye ayezah bekütha kiqi lono ajilo kiyighi chineu kumoe, ikemu kütsave mlakeu küxü küka vecheo achineu shilue.

IBRIMI 2:18

Kughengu ghukuju lo pa ampi no imejuve akehu pa ye khunoqo no ghukuju sholu ani keno kuphulu nani ke.

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.

John 14:16

I no Apu vilo khutsü nani, eno pülhapuju nongu sasü apenike Pa no Akukuphuu nongu tsü nani,

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

ISAIAH 45:24

“I ghili ishi pinani, I lau likhi no achipiu-mikucho eno aküka ani; khunono I mjo cheni keno, tipaqo ye ighi no kujove nani.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

IBRIMI 7:24

ikemu Jisü ye alholo acheni kehu paw achine kümla ye ishokibe acheni.

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

IBRIMI 7:8

Ala halau no thiveni kemi no chighi saje ithulu cheni; ikemu ala halau ye xüakeu huno ithulu cheni.

JOB 22:17

Panongu no Alhou vilo picheni, ‘Ni launo chevelo,’ eno ‘Akughushuu no ningu lau kiu shiluni kea?’

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

IBRIMI 2:9

Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.