IBRIMI 7:2 - Sumi Naga CL (Re-edited) Bible (BSI)

² eno Abraham no aghü lepughi keu lono chighi saje pa tsü. Pekibide kiqi lono pa je ye atüghüshi amikucho kükau, tipa shelo pa ye Salem kükau ghi, ti ye aloino keu kükau.

BAIBEL (BSI)

² tileno Abraham no pano aghu lepughikeqo gholono saje chighilo lakhi pe pa tsu. Melkhizedek je akiqi atughiuye “amikucho kukau,” eno paye Salem lo ghi akukau, tipau kiqiye “Iquighayikeu kukau.”

Sümi Tiqhelimi Bible

² eno Abraham no thime kümtsüw chighí saje pesü pa tsüke. Atüghishi, Melchizedek je kiqi ye, “achipiumikucho kükau”; tisheno itaghi, “Salem kükau” kiqi ye “aloino keu kükau.”

IBRIMI 7:2 Referans Kwoze

AKIKIHI 18:21

“Israelmi no chighi saje tsükeu pesü I no Levi laghami mheghi shitsü ani. Hi ye kuposhukulu phiki lo hukuthu kümla shikeu jume ke,

LESHELE 72:7

Pa ghuloki lono amikuchomi pelo ikowolu pelo, eno atsütsü lo aqhi kühave moke kutolo aloino apelo!

YEKIKITHI ATUGHIU 22:9

Julo, anu lakhi khuu vecheo iqüghai keu yekipe süghi nani keno, o lau punutsü nani. Pa hokümxa lo aghümi akemi kümtsü launo I no pa lokughunotsü nani. Kughengu pa je ye Solomon ipi ku nani, eno pa ghuloki lono I no Israel lo külakishi ngo iqüghai keu süghitsü nani.

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

SAMUEL ATUGHIU 8:17

Pa no nongu mbeloji lono chighi saje luve nani eno tipaqo pesü pa qemi tsüve nani.

SAMUEL ATUGHIU 8:15

Pa no nonguw athi eno atsailu lono chighi saje luve nani eno tipau pesü paw hiyampemi eno pa qemi tsüve nani.

BOTHUBO 28:22

eno atu hipau, khikhi I no atsükucho lakhi shi gho püani keno, ti ye Alhou ki shini. Eno Nono kiu I tsüni keno tipaqo kümtsü lo I no chighi saje O tsünie.”

Rommi 3:26

Ti ye ishi tiqheli lo ghi Pa chipiu-mikucho piyeni kehue, tishianguno Pa ye achipiu, eno khukhumu Jisü lau aküpülü aghi keu pesü achipiu shi tsüniye ke.

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

MICAH 5:5

Eno Pa no panow külakishiu shive nani. Assyriami no ni yeghi lo ighi no niw kükakiqo lo nesü kelo, nino pa shou ambekhemi tsüni eno kükapumi tache puwuni;

ACHINE 27:32

Amishi eno ambe chighi lo lakhi ye Ampeu salae. Lhoxü achighiu thaqhü ye Ampeu lau akimthe shini.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

IBRIMI 7:1

Kughengu Salem kükau, Akiqheu Lhou chineu Melchizedek hipau no Abraham no aghüla wuno kükami ghiqhi püzü woche kelo pa sasü kusholu no kümghatsü,

IBRIMI 7:3

Pa ye apuaza küha, alagha kughuko küha, pa küxü bothu eno ashekha küha, ikemu Alhou Nu kimihi shi pa ye alholo achineu ke.