IBRIMI 6:12 - Sumi Naga CL (Re-edited) Bible (BSI)

¹² tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

BAIBEL (BSI)

¹² Nonguye khilemu kughuchove kepu kumoe ikemu khunoqono akupulu eno kheakulu shikeu vechewo Alhou no piqhipuakeu mheghi iyighilu keno tipaqo kimihi shipenishi ani.

Sümi Tiqhelimi Bible

¹² Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

IBRIMI 6:12 Referans Kwoze

IBRIMI 13:7

Now sakiphemi khunono Alhou tsa pesü nongu vilo piche keno tipaqo kümsü lulo. Pano xüghola kümsü kutoju no pano küpülü papelo.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

1 John 2:25

Eno hi ye Khristo no ningu lau piqhikeu shoqhi—lhokta küxü huke.

Rommi 12:11

Akipichi shi kevino aghüthi püxülo, anguagha xüthilei shino Ampeu qelo.

IBRIMI 5:11

Hipau vehulo ningu ye kutomo pikepu aphi kemu nongu no ini kushughive akeke chixechilei pini keu sho ani.

2 Peter 1:10

Tighenguno aküsamiqo, nongu kukulu eno kishekulu hu mtsüqhei lupe kepushi alau aghüthi küxü shilo, kughengu nongu no ameküapu hipaqo pepimhe aye nongu ye khilemu ikiqivemo nani.

James 1:3

kughengu nongu küpülü pekuju lono tsaqütsalei keu ipeghi cheni kepi nongu no ithi ani.

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Rommi 4:12

tihutoi itaghi khunono aphighüyiko ghaveke likhi kumono aküpülü lo ghi ni pu Abraham no ayiko ghamphi lo cheche keu nepa lo cheghini keno, panoqo papu ghi shipeniye ke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

AHOLE 18:9

Khunono pa kümlapu lo pichi cheni keno, pa ye shiküpsau thiküzüu ke.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

2 Thes. 1:4

Tighenguno nongu kijipüsa eno shikighime keu kümtsü lo nongu no aküpülü itha mono kutuulu keu pesü ningu no Alhou kukuhouqo lo ni qheküzapu shi picheni.

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

AHOLE 15:19

Akipichimi laghi ye asahuli toi, ikemu akümzümi laghi ye müdüniyi keu laghila toie.

AHOLE 13:4

Akipichimi no minemighei anamu kiumu ithumla no akelo azükinimi ye kupukuno shi ithulu cheni.

AHOLE 12:24

Akipichimi küghape aghime kümla shipe akelo müamzü mla chekemi ye ayepeuve nani.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

Luke 16:22

Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

MATTHEW 25:26

Tile pa mpeu no pa vilo pi, ‘No kixikila eno akipichi qeu! No ye I no shosümo namu ghilehu cheku eno apiti vesümo namu xolu chekeu ithi ani ya?

ALE KIMCHI 1:8

O totimi gholo jukiviu, nono mthano aghi aye, atsü-aqu nepa shesü papelo, eno o netiqo sasü ambekhemi phiki phivilo no achu kümzalo.

AHOLE 2:20

Alokütsü tsa ini aye no ye akivimi laghi pülalu no amikuchomi lalo cheche nani.

AHOLE 28:10

Müzüchoi kemi saküghüzüsü alhoksa lalo wuve keu ye pa likhi pa qolou ikiqi ilove nani, ikemu tukutiye küha kemi ye Alhou launo amheghi ithulu nani.

AHOLE 26:14

Ayipa vecheo ahukikha no a-a lono tsüghü keshi akipichimi no pa lüpa lono tsüghü ide züacheni.