IBRIMI 5:5 - Sumi Naga CL (Re-edited) Bible (BSI)

⁵ Tihutoi Khristo ghi achinetou shi penike pa ampi süqheke kumoe, ikemu Alhou khuu no hipa tsa pi keno, Pa no Khristo kishelu ke, “No ye I Nu, ishi tsala lono I no o Pu shiluvae.”

BAIBEL (BSI)

⁵ Titoi, Khristo ye pa pelo achinetou shipeniye pa likhi pa sunheqheke kumoe, ikemu pa susukeu Alhou no ishi pa vilo pi, “Noye Inuke; Ishitsala lono ino oPu shiluvae.”

Sümi Tiqhelimi Bible

⁵ Tipau tho lono, Khristo ye pa no achinetomiqo shou atou shilu keu jekipi hu pa kutoshi no luvemoe. Ikemu Alhou no pa vilo pi, “No ye I nu ke; ishí no I no O pù shiluvae.”

IBRIMI 5:5 Referans Kwoze

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

John 8:54

Jisü no khochile, “I no I jekipipu shi aye I jekipi ye kiumu kumoe, Ikemu nongu no, ‘Pa ye ni Lhou’ ipiche keu I Pu huno I je pipitsü cheni.

IBRIMI 1:5

Kughengu Alhou ye kungumi dolo khuu vilo, “No ye I Nu, ishi tsala lono I no o Pu shiluvae.” Momu itaghi, “I no Papu shini, eno pa no I Nu shinani” ipi püania?

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

Apostolmi 13:33

Pa no Jisü xüputhu keu vecheo ningu anuliqo lau shikupu tsüe, ti ye Leshele akiniu lo ghi yepüani, “‘No ye I nu, ishi no I no o pu shiluvae.’

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

IBRIMI 1:1

Khaghi ghuloki lo Alhou no tungkupmi vecheo ala jeli kütüta lono ghuthu kutomo ni puasüqo pütsache,

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 5:10

ti ye Melchizedek ghola lono achinetou shi penike Alhou no aje kuvetsü.