IBRIMI 4:14 - Sumi Naga CL (Re-edited) Bible (BSI)

¹⁴ Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

BAIBEL (BSI)

¹⁴ Tishiaye ninguno pikiphe shichekeu kupulu hu mutotoi tsuqupe ani nolo, kughengu ningu chinetou kije lakhi ani, Alhou Nu Jisu ke, paye kungughalo wuvae.

Sümi Tiqhelimi Bible

¹⁴ Tighenguno, ningu ye achinetomiqo shou atou akijeu, Alhou Nu Jisü, khuu kungugha lo ikuvea keno, pa anike ghenguno ningu ye ningu no piche keu küpülü mutotoi tsüqüpe ani nolo.

IBRIMI 4:14 Referans Kwoze

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

Ephesiami 4:10

Khuu no aqhou iqi keno Pa no kunguu yepu-yesü hechesü ti kümtsü shepichhi tsüniye akiqhe-a lo ikue.)

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

Apostolmi 1:11

eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

IBRIMI 1:8

Ikemu Anu ghengu ye Pa no ishi pi, “O Alhou, O kükalakhü ye pülhapuju eno alholo ke, O mikucho küsü huno O kükaqha yepeu ke.

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

Luke 24:51

Panongu kümghatsü ghi pa ye panoqo launo kütüta shisü kungugha lo saikuve.

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

Mark 1:1

Alhou Nu Jisü Khristo tsakiviu ghili hukuthu.

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

2 Kor. 9:13

Akümla hipau vecheo nongu no Khristo tsakiviu ikhilu no aghokulu shikeu lono Alhou juküvü shitsü eno puloniqhiyi timi kutomo sasü küsaje ke ghenguno kütami no Alhou sheqhe nani.

2 Kor. 12:2

Khristo timi lakhi I no ithi ani, khuu ampe chighibidi züu kungugha jolha aküthüu lo saikuve keno—pa phimpi no iku keo aphimpi pumono iku keno ni ye mthae, Alhou no ithi ani.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 6:6

kethiu no ikiqiveni keno, panongu ye itaghi pano ghüzave ghi kros lo Alhou Nu yeda kithe no shikukujo ani keke panoqo sasü xaideghi luni keu ye kushokütsüpu ke.

IBRIMI 7:3

Pa ye apuaza küha, alagha kughuko küha, pa küxü bothu eno ashekha küha, ikemu Alhou Nu kimihi shi pa ye alholo achineu ke.

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

EZEKEL 46:10

Kughou panongu no iloghini keno, kükapuu ye panoqo gholono iloghini, eno kughou panongu no ipeveni keno, pa ghi ipeveni.