IBRIMI 3:12 - Sumi Naga CL (Re-edited) Bible (BSI)

¹² Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

BAIBEL (BSI)

¹² Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

Sümi Tiqhelimi Bible

¹² Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 3:12 Referans Kwoze

JEREMIYA 17:5

Ampeu no ishi piani: “Khuu no timi shou pükhübeni, aphimpi kumto pükhüni eno Ampeu launo tsüghüveni keno müsüinivae.

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

JEREMIYA 17:9

Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

JEREMIYA 18:12

“Ikemu panongu no pi, ‘Ti ye adoue! Ningu ye ni kukughu pape nani; eno pütüta no kuthovi eno amlo lhoksa shikeu kiqi lono mla nani.’

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

1 Kor. 10:12

Tighenguno khukhumu mtotoi puthugho ani aye pa ye veqhimo kepushi jukutolo.

IBRIMI 10:38

ikemu Iw amikuchomi ye aküpülü lono xülu nani, eno pa no athiu idewove aye ni ye pa shou I lokiqi kühave nani.”

JEREMIYA 11:8

Tishimu panongu no agholumo eno pano kinimu kughopuwo moe, ikemu kümtsü no pano mlo lhoksa lo kuthovi auve. I no panoqo pelo pelu penike azah tsü kemu panongu no pemo kehu puloshoqhi lo müsüini keu kümtsü panongu shou puku tsüe.”

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

IBRIMI 3:10

Ikehu Ni ye tipa tiqhelimi ju I ghaideve no pike, ‘Panongu mlo ye alhokuthu akumou lalo wuve no I laghi ye ithi move cheni.’

Mark 13:33

Piqepuloi khelulo, tsükhüi lo. Kughengu nongu ye atüqhüdo kughou no ighini keno mthae.

MATTHEW 24:4

Jisü no panoqo khochile, “Khuu pelomu nongu saküghüzü pemoni ke jukutolo.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

AHOLE 1:32

Kughengu mbomzümi ye alokütsü milive kelono thive cheni; eno pano kuchhoma no pano kütsave cheni,

Mark 13:9

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

HOSIYA 1:2

Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

LESHELE 18:21

Kughengu I no Ampeu laghi pape, eno kixikila shi I Lhou launo tsüghüve moke.

JOB 22:17

Panongu no Alhou vilo picheni, ‘Ni launo chevelo,’ eno ‘Akughushuu no ningu lau kiu shiluni kea?’

Rommi 11:21

Kughengu alholo loka Jewmi thotsü Alhou no ghümove ke Pa ye nongu ghümo nani pütsae.

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Mark 13:23

Ikemu ni ye hi kümtsü azünatha pive akehu nongu ye khekuto luvelo.

MATTHEW 16:16

Simon Peter no khochile, “No ye aküxüpu Lhou nu Messiah ke.”

JOB 21:14

Panongu no Alhou vilo picheni, ‘Ni launo chevelo! Ningu ye O laghi lo checheni keu kighithi lunishi amoe.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

ISAIAH 59:13

ningu no Ampeu hebide eno Pa milive ke, eno Alhou launo tsüghüsü wuve, kütami qodani keu ngo kumghoni keu tsa piuve, eno akimki kükümsü ngo akimki tsa pini ke amlo lono xathave ke.

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 3:19

Ikehu ningu no ithi akeu no panoqo ye pano küpülü kumo ghenguno ilomlave ke.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 10:31

Aküxüpu Lhou u lo ikiqi ilolu keu ye kümsa kimshipue!

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

EZEKEL 14:5

tishianguno Israelmi no pano julhoqo vecheo pano mlo I launo tsüghüsü wuve keu I no luchile luniye ke.