IBRIMI 3:1 - Sumi Naga CL (Re-edited) Bible (BSI)

¹ Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

BAIBEL (BSI)

¹ Tighenguno athikuzumi akimthemiqo, khunoqo Alhou no kuluve akeno nikupulu pepimhe chekeulo Apostol eno Achinetou Jisu hu jukutolo.

Sümi Tiqhelimi Bible

¹ Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

IBRIMI 3:1 Referans Kwoze

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

FILIPIAMI 3:14

ni ye Alhou no Khristo Jisü vecheo kungugha küxü lo kulu keu saxü ithuluni ke akimji küdau pokive wucheni.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 10:21

eno ningu ye Alhou ki shou achineu akijeu ani kehu,

Ephesiami 4:4

Alhou no lajupu lakhi lo nongu kulu ketoi, aphimpi lakhi eno Aghungu lakhi likhi ani—

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

1 Kor. 9:23

Ni ye atsakiviu ghenguno hi kümtsü shicheni, tishianguno panongu gholo ni ghi tipau kükümgha küsaje niyeke.

2 Tim. 2:7

I no kiu piani keno kümsükuto julo, kughengu Ampeu no o pelo thokha vethalupe nani ke.

1 Tim. 6:12

Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

IBRIMI 2:11

Kughengu khuu no axine shikimthe cheni eno khunoqo no mithe luve cheni keno kümtsü akuhu aghü lakhi lono ke. Tighenguno pa ye panoqo vilo athiküzümie pini keu kujo chemoe,

John 20:21

Jisü no itaghi panongu vilo pi, “Nongu gholo aloino keu alo. Apu no I puwu ketoi ni ghi nongu puwu ani.”

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

1 Tim. 6:2

Khuno mpemi no küpülümi keno aküpülü lono athiküzümi shivae pi tipaqo phimo gihumo kevilo; tipa züqhulo akivishi panoqo qe masae, kughengu khunono pano kümla kivi vecheo avehupu shilu cheni keno, tipaqo ye küpülümi eno qhuivü chekemi ke. Thime hipaqo pesü shika eno kütü lo.

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

2 Thes. 1:11

Hi ghenguno nino nongu ghenguno alhokuthu inikhu tsü cheni, tishianguno ni Lhou no nongu kulu keu ameküapu shitsü peni eno Pa küka lono aküpülü kümla kümtsü akivipu ghenguno shikupu tsüpeni,

1 Thes. 5:27

Ampeu zülono I no nongu pelo yesü hipau pesü kümtsü lau phisü penike azah tsü ani.

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

Kolosiami 1:22

itehi ye Pa Nu kithi vecheo Pa lau alupekili luvae, eno nongu pesü akimthe, tukutiye eno tichetighe küha no Pa zülo saghi niyeke,

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

2 Kor. 1:7

Nongu shou niw lajupu akeu ye itha mono ani, kughengu ningu no ithi akeu no nongu no niw shiluküsa lo küsaje ketoi, ni lokughuno lo ghi küsaje nanie.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

Rommi 11:17

Ikemu aki lo pighiu olive sübo lo aloka hami no icheve kehu nongu no aghalo olive toi anamu pewo kütami gholo kime kelo itehi ye asübo kuhu gholo thoni-tsanyi küsajelu ani kehu,

Rommi 9:24

eno ti ye ningu khunoqo Pa no kuluve akeno, Jewmi dolo likhi kumono Jewkumomiu ghi kümtsü kihisü ani.

John 20:27

Tishino pa no Thomas vilo pi, “O uloti hile süju eno I u julo; eno o u chhopuwo I jibo bujulo. Lipi kevilo ikemu pülülu lo.”

HAGAYI 2:15

Tishiaye, ishi no huthusü chhejulo, püzüu Ampeu Chineki shiqhe mphi züu,

EZEKEL 18:28

Kughengu pa no kümsüju no pa no axine shiche keqo lono tsüghü ighike, pa ye mtsüqheino xü nani; pa ye thimo nani.

EZEKEL 12:3

Timi nu, o ghenguno haphe sawuve kemi toi akho kutolo, eno tsüküvü lono panoqo nhethe lono haphe sawuve kemi paphishi wuvelo. No ye haphe sawuve kemi toi o kungo-a lono a-a kütau lo panoqo nhethe lono wuve lo. Ishiake panongu no hekibide kibolomi lakhi shi aghimu panongu ghi vethaluvi ke.

ISAIAH 41:20

tishikeu lono timiqo no ithulu no ithi peni, tsaqüi kümsükutoju no vethalu peni, tishikeu lono Ampeu u no hi shikepi ithi peni, eno Israel Lhou akimtheu no hipau lhophe kepi ithi penie.

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

1 Peter 3:5

Kughengu khaghi Alhou lau laju chekemi akimthe totimiqo ye ishi pano kimi qhoqhü kehu juviqhiyi cheke,

IBRIMI 9:11

Ikemu kughou Khristo no thime kivi akeqo ghenguno achinetou shi keno, pa no (au no shimo keu, ti ye pulhoküsü gholo kumokeu) phiki akijeu eno kupukülai keu lo iloe.

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

1 Kor. 10:17

Asho no lakhi ketoi, ningu ye kutomo kemu aphimpi lakhie, kughengu ningu kümtsü asho lakhi lono küsaje ke.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 1:15

Tipa ghuloki lo athiküzümi dolo Peter no puthugho (panongu kihiju kelo 120 qhalo ae) eno pi,

2 Kor. 9:13

Akümla hipau vecheo nongu no Khristo tsakiviu ikhilu no aghokulu shikeu lono Alhou juküvü shitsü eno puloniqhiyi timi kutomo sasü küsaje ke ghenguno kütami no Alhou sheqhe nani.

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

IBRIMI 7:28

Ayezah no miqemlei kemi pesü achinetomi shi penike süsü cheni, ikemu Alhou shoqhi tsa, khikhi Ayezah thiuno ighi keno, tino alholo ghenguno Anu kupukülai keu süsüke.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

IBRIMI 10:19

Tighenguno athiküzümiqo, Jisü ji vecheo ningu ye akimthe-a lo iloni keu mlo kumto ani kehu,

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

IBRIMI 13:22

Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.