IBRIMI 2:15 - Sumi Naga CL (Re-edited) Bible (BSI)

¹⁵ eno khunoqo akithi kümsa ghenguno aküxü tivi qüaxe lo tsüghape ache keno xapheve niye ke.

BAIBEL (BSI)

¹⁵ tishi puzu akithi musakeu ghenguno akuxu kupuju tsughape achekeqo kuqhopheve niyeke.

Sümi Tiqhelimi Bible

¹⁵ eno akithí kümsà no khunoqo aqüaxe küxü lo tsügha pesü ani keno panongu kuqhopheve niye ke.

IBRIMI 2:15 Referans Kwoze

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

2 Tim. 1:7

Kughengu Alhou no ni tsükeu ghungu ye, msaichi peniye ke kumoe, ikemu aküka kumto, kikimiye eno alikhi aghasülukeu ghungu ke.

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

Rommi 8:21

Alhou nuliqo pesü ajuküvü eno ililai keu küxü lo kuqhophe keshi itehi pulhoküsü ghi shiküpsapu kütsügha lono kuqhophe luniye ke.

LESHELE 55:4

I lolo ni ye kütakihi ani; akithi küighüpu no I shou ikughivae.

LESHELE 89:48

Kiu timi no xüa no khilemu akithi ithulumo nani kea? Khuu no Kithigha küka lono pa ngulho xaphe luni kea?

LESHELE 56:13

Kughengu akithi lono Nono I ngulho xaphe tsüe, iyei, ikiqive kepu lono I pukhu xaphe tsüe, tishino I pelo aküxüpu küvü lo Alhou zülo alache wulu peke.

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

JOB 24:17

Kughengu pano müzülo aküzü kutho huno inaqhe ke; pano ye aküzü kutho küighüpu sasü shoupau shicheni.

JOB 18:11

Akümsapu no ala kümtsü lono pa shikichi eno pa haqhi cheni.

Galatiami 4:21

I vilo pilo, nongu khunoqo ayezah qholo anishi cheni keno, nongu ye ayezah tsa iniju chemo keshea?

LESHELE 73:19

Panongu ye kishi paikhavi lono kütsave kea, aküighüpu no qhoi jolepe wuvae!

JOB 18:14

Pa no pükhübe chekeu ki lono pa sünhe sasü akümsapu kükau lau ighi cheni.

IBRIMI 2:16

Kughengu mtsüqheino pa ye kungumi kuphu chenike kumoe, ikemu Abraham polo kughukomi kuphu cheni.