IBRIMI 2:14 - Sumi Naga CL (Re-edited) Bible (BSI)

¹⁴ Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

BAIBEL (BSI)

¹⁴ Ike pano timi tipaqo pesu atianuli ipi chekemiqo huye ashi-aji puani, Jisu ampino panoqo kimihi shive eno timi phi-ashi kusaje puke, tishianguno pa kithi vechewo akithi kuka akeu tughami puhavetsuniye shike,

Sümi Tiqhelimi Bible

¹⁴ Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

IBRIMI 2:14 Referans Kwoze

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

Kolosiami 2:15

Pa no yepemi ngo aküka jeli liluve tsüno panongu shou toluve keu vecheo ikhikiphe shi panongu shikujove.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

1 Kor. 15:50

Athiküzümiqo, I no hi piani: ashi eno aji ye Alhou yekipe ighimla nani, momu thiveni keu ye thimoni keu mheghi ighimla nani.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Rommi 14:9

Hi ghenguno Khristo ye thive no xüchile luve, tishianguno Pa no kithimi ngo küxümi shou ghi Ampeu shiniye ke.

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

IBRIMI 2:18

Kughengu ghukuju lo pa ampi no imejuve akehu pa ye khunoqo no ghukuju sholu ani keno kuphulu nani ke.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

John 12:24

Kuchou no I no nongu vilo piani, athi no ayeghi lo ikiqi ilo no thivemo keloye tilikhi acheni; ikemu tino thive aye athi kutomo pithi cheni.

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

1 Kor. 1:28

Ayeghi lo akhotopu thimeqo pesü avehu kühave tsüniye Alhou no chuninhei eno jukünatha kemi, eno avehu kühakeu thimeqo kishelu,

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 10:5

Tishi kehu Khristo no ayeghi lo ighi kelo pa no pi, “No ye aghakishi eno akümllagho laju chemoe, ikemu Nono I sala aphimpi lakhi kutope qhitsüe;

IBRIMI 10:10

Eno Jisü Khristo phimpi no ghuthu khavino akümllagho shive tsükeu vecheo Alhou pulou lono ningu shikimthe luvae.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,