IBRIMI 13:15 - Sumi Naga CL (Re-edited) Bible (BSI)

¹⁵ Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

BAIBEL (BSI)

¹⁵ Tishiaye, Jisu vechewo ninguno pulhapuju sheqhekeu pesu Alhou lau akumllagho shighi mllani nolo; ike tiye, ningu kichi lono pulhapuju pa je shikimthi ani nolo.

Sümi Tiqhelimi Bible

¹⁵ Tighenguno, ningu kichí lono ipeghi keu tsa pesü pa je shuphe ghi Jisü vechewo tamo no shekiqhe ghakishi pesü ningu Alhou müláni nolo.

IBRIMI 13:15 Referans Kwoze

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ISAIAH 57:19

eno panongu kichi lo shekiqhe sütsü nani. Ampeu no piani, Kupunu akemi, eno aghache lo akemi, aloino peniu, aloino peniu,” “eno I no pa shipivi nani.

YEKIKITHI AKINIU 33:16

Pa no Ampeu kümlla khache ghi süsü kitheve eno tileno külakishi kümllagho ngo shikimthi kümllagho pesü aghashi, eno Judahmi kümtsü Ampeu Israel Lhou huthulo pi azah tsü.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

ACHINE 7:12

Pa no shikimthikütsü ghenguno tsü aye, pa ghakishi gholo kholaqhi sümono thazü no kunuve keu sho, kholaqhi sümokeu thazü pe nuve no ipumhei zümzümüi keu sho, eno ashomkhu kivi lo thazü pe nuküxü no mlakeu sho tsüni.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

LESHELE 118:19

Achipiu mikucho khagho lo I khaqhisü lo, tishiaye ni ye tipaqo vechesü ilolu no Ampeu shikimthi tsüni.

LESHELE 18:49

O Ampeu, shiyeqo gholo hi ghenguno I no O sheqheni, eno O je sheqhe ale pheni.

NEHEMIA 12:43

Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

Rommi 6:19

Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

John 10:9

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

NEHEMIA 12:40

Ikehu shikimthikütsü lephemi mqo kinikujo achineki lo puthugho luve, eno ni eno hiyampemi tüxa no I gholo ngove;

EZRA 3:11

Eno panongu no küpape ghi ale phe, sheqhe eno shikimthi keu pesü Ampeu tsü, “Kughengu Pa ye aloe, kughengu Paw iqemokeu kikimiye ye pülhapuju Israel lau acheni.” Kughou panongu no Ampeu kilo aboqha qhaluve kehu Ampeu sheqhe keno, timi kümtsü no asütsa kuloghi lono ighae.

YEKIKITHI AKINIU 29:31

Tithiu Hezekiah no pi, “Itehi nongu ye kishekimthepe Ampeu lau tsüvae. Aphivilo ighilo; aghakishi eno shikimthi kümllagho pesü Ampeu tsülo.” Ahohomi no aghakishi ngo shikimthi kümllagho pesü tsü, eno pulokinimi no akipti kümllagho ghi pesü ighi.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

Luke 10:21

Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

LESHELE 119:108

Iw shekiqhe pulokini kümllagho ikhilu tsülo, O Ampeu, eno Ow pimheye I shikalo.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

JEREMIYA 33:18

eno Levi chinemi ye I zülo akipti kümllagho, athi kipti kümllagho, eno aghakishi tsüni kemi kühave monani.”

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

AKIKIHI 7:62

ameshoyi khu gram 110 lo akiptita chhitoi;