IBRIMI 11:8 - Sumi Naga CL (Re-edited) Bible (BSI)

⁸ Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

BAIBEL (BSI)

⁸ Akupulu lono Abraham ye Alhou no pa kukelo aghokulu shike, eno Alhou no pa tsunikeushi piqhipuakeu ghakhulo wuke. Paye khilau wucheni keno mthakemu pano yeghi bocho qhiveno wuveke.

Sümi Tiqhelimi Bible

⁸ Abraham ye kughou pa vilo kutou pa mheghi shi niye akeu a-a lakhi lo wulo pi ku keno pa ye khila wucheni keno mtha kemu aküpülü vechewo aghokulu shi wuke.

IBRIMI 11:8 Referans Kwoze

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

Rommi 10:16

Ikemu Israelmi ye kümtsü no Atsakiviu gholu kekumoe. Kughengu Isaiah no pi, “Ampeu, ningu no sheshu kelo khuu no pülü kea?”

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

JOSHUA 24:3

Tileno I no nongu papu Abraham sasü Aghoki kukuu no Canaan yeghi lo ighi no pa tianuli kutomo kughukotsü. I no Isaac pa tsüe.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

BOTHUBO 11:31

Terah no pa nu Abram, pa tilimi Haran nu Lot, pa nu Abram nipu eno pa mukishiu Sarai, ishi sasü kümtsa Chaldeami yeghi Ur lono Canaan yeghi lo wuniye cheve, ikemu kughou panongu no Haran lo ighi keno, panongu no tile xüsüve.

BOTHUBO 12:5

Abram no pa nipu Sarai, pa thiküzüu nu Lot, panongu no tinhemgha hekütsülu keqo, eno Haran lono qhülu kemi ishi sasü Canaan yeghi lo wuve. Kughou panongu no Canaan yeghi lo ighi keno,

BOTHUBO 20:13

Kughou Alhou no I pu ki lono I pelo itsü wuvepe keno, I no li vilo pi, ‘Kimiyekini hipau no ye I lau shi masae: khile khilemu ningu no ighi keu-a lo, “Pa ye I mu” ipilo.’”

AKIKIHI 10:30

Hobab no pi, “Ni ye wumoe, ni ye ni ghakhu lo ni bolomi lau woniae.”

MATTHEW 2:21

Joseph no ithu anu ngo paza sasü Israel yeghi lo wove.