IBRIMI 10:22 - Sumi Naga CL (Re-edited) Bible (BSI)

²² ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

BAIBEL (BSI)

²² ninguno amlo-pu puzu mutsuqheyi keu kupulu shino alhoksa-lotsuh launo ningu mlo shikimtheve eno azu kimthe pesu ningu phi-ashi qhuveno Alhou lau kupununi nolo.

Sümi Tiqhelimi Bible

²² ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 10:22 Referans Kwoze

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

IBRIMI 7:19

(kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

LESHELE 73:28

Ikemu I ghengu ye Alhou phivilo ngolu keu pavie; ni ye Ampeu Alhou pesü Iw sükusho shivae, tishikeu lono I no O kümla ghili pini.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

IBRIMI 9:19

Moses no timi kümtsü lau Ayezah lo azakütsü lakhikhi no sheshu kelo, pa no amshiti ji ngo ane ji pesü azü, ayiloni eno ayeho kuhu gholono Ayezah kaku ngo timi kümtsü shou küzüte puku,

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

EZEKEL 16:9

Tithiu I no azü pesü o kuchhu no o phiau lono aji qhuqhive tsü, eno thazü pesü no o nukishelue.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

ACHINE 8:6

Moses no Aaron ngo pa nuli saghi no azü pesü panoqo qhukimthe.

James 1:6

Ikemu pa ye lipi mono aküpülü lono khulo, kughengu khuu no lipini keno pa ye amülhü no azüghi lo azü fukucho sawu-sawo keu toike.

AHOLE 23:26

I nu, o mlo I tsülo, eno o nhethi no I no xüchekeu laghi chheju lo.

LESHELE 119:7

Kughou I no O mikucho yezah shika luni keno, amlo kimthe pesü I no O sheqheni.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

AKIKIHI 8:7

Panongu shikimthe nike nono hitoi shini: shikimthekütsü zü pesü panongu küzütelo, eno panongu no aqe pesü pano phimpi kuchopu miyeveni, tithiu no aphimini ishive no azü kuchhuveni.

ACHINE 14:7

Eno apüghami khuu shikimthe niye ani keno pa shou ghuthu tsüni aji küzüteni. Tishino pa ye mithe luvae pi shuphe tsüno aghau küxü ye aluza lo phe puwuveni.

IBRIMI 11:28

Aküpülü lono pa no Hechekulu Ghulhu huthu tsüno aji pesü küzüte tsüe, tishianguno anu anoghiu Ghikiqhiu pelo panongu bupe moniye ke.

IBRIMI 10:19

Tighenguno athiküzümiqo, Jisü ji vecheo ningu ye akimthe-a lo iloni keu mlo kumto ani kehu,

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

IPEKULU 29:4

Aaron ngo pa nuliqo sasü kuposhukulu phiki kulaghi lo saghilo eno azü pesü panoqo qhukimthe lo.

IBRIMI 9:10

ikemu kuchu-kusho eno qhukimthe keu khuaye likhie. Hipaqo ye akikili kithe ighi moke dolo aphimpi ghenguno bekütha yeqoke.

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

LESHELE 119:145

I mlo kuchopu no O ku ani; O Ampeu, I khochile lo! I no O zakütsü papeni.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Ephesiami 6:5

Aqü-axemiqo, Khristo lau toi msaighü eno khokhoshi, tsaqütsalei ayeghi lo nongu mpemi gholulo.

Apostolmi 8:21

Hipa tsa lo o sala momu o saje kühae, kughengu Alhou zülo o mlo ye achipi kumovae.

John 8:9

Ikemu kughou panongu no hipa tsa chilu keno panongu gholo kichimi no atüghü shino lakhikhi no wokhave, eno Jisü likhi atotiu no pa zülo puthughope aghive.

LESHELE 119:80

I mlo pelo O zakütsüqo lo tukutiye küha pelo, tishiaye ni ye akukujo lo ilovemo nani!

LESHELE 119:69

Aqheküzami no akimki pesü I juaje shipüsa cheni, ikemu I mlo kuchopu no ni ye O kükütsüqo pape cheni;

LESHELE 119:58

I mlo kümtsü no I no Ow kimiyekini qhüiniju ani; O shoqhi kiqi lono I lau küpüqhiyi tsülo.

LESHELE 119:34

Vethakulu I tsülo, tishiaye ni ye O yezah pelu nani eno I mlo kümtsü no tipau papelu nani.

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

LESHELE 111:1

Ampeu sheqhelo! Amikuchomi loji hoho lono I no I mlo kümtsü pesü shikimthi keu Ampeu tsüni.

LESHELE 94:15

kughengu kuchou xakütha ye amikuchomi lau ideighi cheni, eno amlo kümzümi kümtsü no ti pape nani.

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

LESHELE 32:11

O amikuchomi, Ampeu lau alokiqi shino alovilo, eno nongu amlo kümzümiqo, alovi ighamku lo.

LESHELE 9:1

I mlo kuchopu pesü I no Ampeu lau shikimthi tsüni; I no Ow akümzapu kümlaqo kümtsü kihikitheni.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

YEKIKITHI ATUGHIU 12:33

Zebulunmi aghüshi lo khutive kemi, David kuphuni keu kimji likhi qhino aghü nanu kümtsü xapu akemi qhethonhe lhopungu;

KUKAMI ATUGHIU 15:3

Pa sü David toimo no pa pu toi axine kümla kümtsü pa no shi, eno pa mlo kuchopu pesü Ampeu pa Lhou tsümoe.

ACHINE 16:4

Pa ye azü kuchhuve no akimthe phimini hipaqo pepuni: phepheike phiküzü eno alou phiküzü, apokha eno akütsü shonha phi; hipaqo ye akimthe ke.

Luke 1:1

Timi kutomo no thime jeli ningu lau shikupuve keqo aboake shi kithipe qhitsüni ye yekümla huthuvae,

Apostolmi 22:16

Imaye no ye kiu khe ani kea? Ithu no Pa je lono baptiz shiluve no o xine qhuvelo.’

IBRIMI 6:11

Eno nino kümsü pulo akeu ye nongu lakhikhi no ashekha kutolo mtsüqhei keu lajupu athoshi qhilu penishi ani,

IBRIMI 10:1

Ayezah ye thime kuchou akeqo kumono thime kivi ighi niye akeu julho keke, ti ampe atsütsü ishokibe aghakishi atho tsüche keu ye mlla niye kupunu ighi akemi pesü khilemu kupukülai tsümla nani.