IBRIMI 1:14 - Sumi Naga CL (Re-edited) Bible (BSI)

¹⁴ Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

BAIBEL (BSI)

¹⁴ Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

Sümi Tiqhelimi Bible

¹⁴ Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 1:14 Referans Kwoze

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

Apostolmi 27:23

Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

Apostolmi 12:7

Paikhavi Ampeuw kungumi no pa phivilo puthugho aghi eno aküvü no achebo yepüvüve. Pa no Peter tukini küdaputhu no pi, “Mtazü ithulo.” Tile pa u lono ayikichhe iko ikiqive.

Luke 1:19

Kungumi huno pa khochile, “Ni ye khuu Alhou zülo puthugho cheni keno, Gabriel huke, eno atsakiviu hipau pesü o lau süghi no o pütsa penike I puwue.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

Luke 16:22

Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

Luke 2:9

Tile Ampeuw kungumi lakhi no panoqo zülo ipeghi, eno Ampeu juküvü no panongu homxape yepüvü luve kelo panoqo ye ighono msaichive.

Luke 2:13

Paikhavi kungugha lo kungumi aqokitikhi no kungumi tipau gholo ipeghive no iqhaighu Alhou sheqhe ghi pi,

LESHELE 104:4

Pa no amülhü pesü Pa tsapemi shi, amiküiqü pesü Pa qemi shike.

MATTHEW 2:13

Kughou panongu no wove keno, julo, Ampeuw kungumi lakhi no asamou no Joseph lau ipeghi no pi, “Ithulo, eno anu ngo paza sasü Egypt lo povelo, eno I no o vilo pimoke kutolo tilau ngo aghilo, kughengu Herod ye anu kütsave nike phuniye ani.”

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

IBRIMI 6:17

Ikehu kughou Alhou no Pa shoqhi kiyighimi lau kilive mlakeu lhoaye piyeni ke pulove keno, Pa no ashoqhi pesü ti mtsüqhei shitsüe,

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

FILIPIAMI 2:25

Ni ye I thiküzüu eno I gholo mlakicheu, aghükishiu, nongu tsapeu eno I vehupu lo aghini kishiu, Epaphroditus nongu lau puwu masa kepi kümsü luvae,

2 Kor. 9:12

Kughengu hukuthu kümlapu hipau ye küpülümi vehupu lo tsülu keu likhi kumono Alhou lau shikimthi kütsü no qochili lukeu ghike.

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 13:6

Hi ghenguno nongu no zame ghi tsü cheni, kughengu yepemi ye hikithipu jukütsü chekemi Alhou ghinimi ke.

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Luke 1:23

Kughou pa kümlapu do kishekhave keno, pa ye aki lo wove.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

JOB 1:6

Kughou kungugha lo küami no AMPEU zülo hekütsü kepu tsala ighi keno Satan ghi panongu gholo ighi.

1 Peter 3:7

Tipaphi lono akimiqo, alhoaye lono totimiu no akimqeu kepi vethalu no agigihupu lono nongu nipuqo sasü xülo, tishikeu lono nongu kighini lo lakükhapu küha nani, kughengu panongu ghi nongu gholono aküxüpu gho ithulu küqha kemi ke.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

IBRIMI 10:11

Achinemi no tsalakipetsü puthugho no pa kümlapu shi acheni eno khilemu axine peve tsümlani keu ghakishi pesü anguno anguno tsü acheni.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.

IBRIMI 6:12

tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Galatiami 3:29

Eno nongu no Khristow ipi aye, nongu ye Abraham polo kughukomi, pikiqhitsa kiqi lono amheghi kiyighimi ake.

Galatiami 3:9

Tishiaye, khunono aküpülü ani keno, aküpülü timi Abraham gholono kümghatsü nanie.

Galatiami 3:7

Tishiaye khunono aküpülü ani keno panongu no Abraham tianuliqo kepi ithilo.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

Apostolmi 16:26

züleno ayeghi küghütha kije ighi no akughuki tsükucho kümtsü süküghütha. Eno paikhavi ahukikha kümtsü khaqhive, akughumi yikichhe kümtsü ikove.

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

BOTHUBO 32:24

Eno Jacob ye pa likhi ngove. Eno milakhi no atsala vü ipeghi moke kutolo pa sasü kükhae.

MATTHEW 4:11

Tithiu tüghami no pa qhive, eno julo, kungumi no ighi no pa huthu auve.

Mark 10:17

Jisü no tipa-a qhive no wuche kelo timi lakhi no ala lo hasü ighi no pa zülo qhoqhünhepe ngono pi, “Shikükau kiviu, ni ye lhokta küxü ighilu nike kiu shimasa kea?”

Rommi 11:14

tishianguno kishikela shimu niw timi Jewmi nhekushupu shino tipau lono khami likhimu xalu niye ke.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.