HOSIYA 7:2 - Sumi Naga CL (Re-edited) Bible (BSI)

² Ikemu pano lhoksa kümtsü I no kümsülu ani kepi panongu ye kiqiju moe. Itehi ye pano kümla no panongu süho luvae eno ti ye I zülo ani.

BAIBEL (BSI)

² Niye alhoksa hipaqo kumtsu kumsuchilelu nanike pi panonguye kumsumlae; ikemu axineno panongu suhope akeu niye tipaqo ithumlavemoe.”

HOSIYA 7:2 Referans Kwoze

Luke 12:2

Itehi nha püakeu vehu kiumu lhaphe moni keu ye kühae, momu küsü püakeu kiumu ithi moveni keu ye kühae.

LESHELE 90:8

Nono ni xine O zülo qhipüani, niw tuqho-tugho xine ye O zülo aküvü lo ani.

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 4:18

O laghiqo eno o kümlaqo no o shou hipau süghivae. Hi no o ghimepu tsala, hi ye khumtsai o mlo kutolo ilo chuxutsü ani.

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

LESHELE 25:7

I lhothe lo xine eno hekibide kümsülu tsü kevilo; Ow Iqemokeu kikimiye vecheo, eno O je kivi vecheo I kümsüchile tsülo, O Ampeu!

LESHELE 9:16

Ampeu no Paw küghakütha pephe piyevae; küsaküghami ye pano u lo kümla lono kitime luvae.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

LESHELE 50:22

“Tishiaye no Alhou kümsümave keu, hi amichi shilo, tikumo aye xaluni kemi kühano I no o sütha pinyive nani;

JOB 34:21

“Kughengu Pa nhethi no timi shou jupuku acheni, eno pa pukhune kümtsü Pa no ithulu achenie.

ZAKINIU 32:29

Panongu no alokütsü aghike aye hi vethaluni cheke; panongu ye ashekha vehu kimchi luni cheke!

AKIKIHI 32:23

Ikemu nongu no hitoi shimo aye, julo nongu ye Ampeu zülo axine shivae eno tipau xine no nongu shou akipimi ikughi nani pütsae.

ISAIAH 44:19

Khunomu kümsüju chemo momu tsaqüi ishi kümsükutoju chemoe, “I no asü tüxa süghü no asho eno ashi ghuchu; Imaye ni ye tipau sü tüxa pesü ajulho shisü no mllani keshea? Ni ye ti asülu zülo pishiqho no mllani keshea?”

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

JEREMIYA 17:1

“Judah xine ye ayi yesüta pesü yepüani, mlaputu mtsüsüi keu pesü panongu mlo tulupha eno pano kiptia kibo lo kixipuku püani,

JEREMIYA 44:21

“Judah ngo Jerusalem laghila lo nongu eno no puasüqo, now kükami ngo hiyampemi, eno aghakhu lo timiqo no akümllagho tsükeqo Ampeu ye kümsülu tsüke kumo? Ti ye Pa kükümsü lo ighi move keshea?

HOSIYA 4:9

Ikehu timi ghi achineu ghi atho; panow hekibide ghenguno I no panongu ghime nani eno pano kümla ghenguno I no panongu tsüchile nani.

HOSIYA 9:15

Pano lhoksa qhoi Gilgal lo ani kehu tilauno I no panoqo jumithi thuveke. Pano kixikila ghenguno I no I ki lono panoqo haphe nani. Ni ye panongu kimiye moae; pano sakiphemi kümtsü no hekibidemi ke.

HOSIYA 12:2

Ampeu no Judah nguku ani Jacob no mla püakeu kiqi lono pa ghime nani; pa kümla kiqi lono tsüchile nani.

JONAH 1:2

“Ithulo, mishighüna kije Nineveh lo wulo, eno tipau lakichile tsa pilo, kughengu pano küsakügha no iku I tovae.”

LESHELE 10:11

Pa mlo lono picheni, “Alhou ye kümsümavae, Pa ye Pa gi küsüvae, eno khilemu ithulu moae.”

EZEKEL 21:29

panongu no nongu ghenguno kichile kungunhetsü ithulu eno nongu ghenguno akimki saqhi akelo azütakikihi ye shikitiqe kemi kixikilami kuo lo ikughi nani, panoqo ghime ashekhau do, pano tsala ye ighivae.

HOSIYA 6:2

Atsala kini thiu Pa no ningu püxü kithetsü nani; atsala aküthüu lono Pa no ningu sünheqhe nani, tishianguno nino Pa zülo xüni.