HOSIYA 6:7 - Sumi Naga CL (Re-edited) Bible (BSI)

⁷ Ikemu Adam toi panongu no puloshoqhi hebideve; tilau panoqo ye I pükhü mlave.

BAIBEL (BSI)

⁷ “Ikemu panonguno Adam toi ayeghi lo ighi kemtsa ino panoqo sasu puloshoqhi shikeu kubolevetsu.

HOSIYA 6:7 Referans Kwoze

HOSIYA 8:1

Afuko pesü o mütsü lo thelo! Alhuqu toike lakhi no Ampeu ki shou ikughi ani, kughengu panongu no Iw puloshoqhi hexavae eno I yezah hebideve ake.

HOSIYA 5:7

Panongu no Ampeu lau aküpülü piye move; kughengu panongu no inami tianuliqo punu ke. Itehi ye aqhi kithe no pano luza gholono pano kütsa nani.

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.

JOB 31:33

tsala kütami toi I no I xine küsü püaghi aye, eno I kipimi pesü I mlo lo küsü püaghi aye,

BOTHUBO 3:11

Pa no pi, “Khuu no no ye aphikümsa pi o vilo pi kea? No ye I no o vilo chu kevilo pi azah tsükeu sübo lono chuve keshea?”

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

IBRIMI 8:9

ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

JEREMIYA 5:11

Israel eno Judah kibo ye akümzapu shi I pishiqhivae, ipi Ampeu no asheshu.

JEREMIYA 3:7

‘Li no hipaqo shive kethiu I lau ideighi nani pi I no kümsüe,’ ikemu li ye ideighi moe, liw pishikiqhi kümla ye li tsünipu Judah no ithuluvae.

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

ISAIAH 24:16

Ayeghi shekhau no Amikuchou lau agigihupu eno shekiqhe le phekeu nino chilu ani. Ikemu I no pi, “Ni ye kimghoi eno miqemleivae, I hasapuae! Thekuchumi no thechuvae, pano mqümgha no timi mlaqhivae.”

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

Rommi 5:14

Ikeghi Adam lono Moses kutolo timi khunono Adam xine toi keu kumo namu pimive keno kümtsü shou akithi no qhasüpe aye peche. Adam ye athiu khuu ighi niye akeno Milakhi kumlho shiae.

JEREMIYA 34:18

Timi khunono Iw puloshoqhi pepimive eno I zülo puloshoqhi beküthaqo pemoni keno I no panoqo pesü panongu no amshiti xapha kini shipe tipau mta lono wuke toi shitsü nani,

ZAKINIU 31:20

Kughou I no pano puasü lau tushoqhi ketoi panongu sasü akichhizü ngo akhingozü no qowu akeu yeghi lo iloghini, eno panongu no achuqupu chunishi ke thaqhü chuno atha pubeiveni keno, panongu ye tsüghüsü kütau lhouqo mllauve nani, eno I milive no Iw puloshoqhi kubove nani.