HOSIYA 5:5 - Sumi Naga CL (Re-edited) Bible (BSI)

⁵ Israel qheküza no pano zülo ashepe shi anie; Israel ngo Ephraim ye pano kipimi lono küpxalu nani; Judah ghi panongu gholono küpxalu nani.

BAIBEL (BSI)

⁵ Israil qhekuzano panoqo zulo ashepe shianie. Panoqo xineno panongu pelo kupuxa pesu veqhive eno Juda lo akemi ghi panoqo gholo veqhi kuqhae.

HOSIYA 5:5 Referans Kwoze

HOSIYA 7:10

Israel qheküza no pano zülo ashepe shitsü akeghi panongu ye Ampeu pano Lhou lau ideighi moe, tike kumono Pa phumove ke.

AMUS 5:2

“Ayiliu Israel ye ithughi kümlapu shi ikiqivae; li sünhe puthuni kemi kühano li yeghi lono li qhivae.”

Luke 19:22

Pa no khochile, ‘O likhi o tsa pesü I no akipimi o tsünia na, no kixikila qeu! Ni ye tsatsai kemi, imasümo no ithulu eno xusümo no xolu chenie pi nono ithi ani ya?

MATTHEW 23:31

Ikehu nongu ye tungkupmi ghikiqhimi nuli kepi nongu ampi no thopi shi ani.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 8:14

Kughengu Israel ye pa Lhokeu kümsümave no akighikiqo shi, eno Judah no aliwo kuptu phughiqo küghüsü shiqhevae; tighenguno I no pa phughiqo shou ami puwu tsüni, eno tino liw sükusho-aqo pitileve tsü nani.

HOSIYA 5:14

Kughengu I no Ephraim lau abongshuu toi nani, eno Judah lagha lau abongshuu lhothe toi nani. Niu no aleqhi shi o sütha pinyive no wuve nani; I no xapu wuve nani eno khunomu xaphe mlave nani.

HOSIYA 4:5

Nongu ye puchou no küpxalu nani, tungkupmi ghi nongu sasü putho lono küpxalu nani; eno I no nongu paza kütsave nani.

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

ISAIAH 59:12

Hi ye niw hekibide no O zülo kümzapu shive akehue, eno ni xine no ni shou thopi shi ani; kughengu niw hekibide no ni gholo ani, eno ningu no ni xineqo ithi ani:

ISAIAH 44:9

Ajulho mlaphe chekemi kümtsü ame kühae, eno panongu no azüvü chekeqo ye ala kühae. Panow thopimi ye ithulu eno chilu chemoe, ikehu panongu ye kujove nani.

ISAIAH 3:9

Panongu gino pano shou thopi shi ani; Sodommi toi küsü mono axine shi ani. Pano hasapue! Kughengu panongu no pano ampi shou alhoksa süghi anike.

AHOLE 30:13

Khami ye kishi aqheküza nhethi xapu acheni eno kiutoi tsütsüngoju acheni kepi lae!

AHOLE 24:16

kughengu kuchomi ye ghuthu tsüni ikiqive namu ithuve nani ikemu kixikilami ye küsakusho lono ikiqive nani.

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

AHOLE 11:21

Alhoksami ye ghime movemla kepi thebei ithilo, ikemu amikuchomi tianuli ye xaphe luve nani.

AHOLE 11:5

Akikhimi ye amikucho pesü pano laghi shikümzü cheni, ikemu kixikilami ye paw kixikila vecheo ikiqive cheni.

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.