HOSIYA 5:15 - Sumi Naga CL (Re-edited) Bible (BSI)

¹⁵ Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

BAIBEL (BSI)

¹⁵ “Iwu timiqoye panoqo xine ghenguno lukumkha shi aghime shimoke kutolo eno iphusu ighimoke kutolo niye panoqo pheve nani. Kutomu panonguno aghimeshi kelono iphu nike pukaputsa nani keniake.”

HOSIYA 5:15 Referans Kwoze

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

Luke 13:25

Kughou aki mpeu no ghuthu lakhi ithu aki khaveni keno, nongu khalau puthugho akeqo no ahukikha kukhu no, ‘Ampeu, ni khaqhi sülo,’ ipi anamu, pa no nongu khochile nani, ‘Ni ye nongu no khilau no ighi ani keno mthae.’

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

EZEKEL 36:31

Tileno nongu no now kixikila laghi, eno akümla lhoksaqo kümsülu nani, no kipimi eno aphikümqhüpu ghenguno nongu no nongu ampi ju aphimqhü nani.

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

ISAIAH 26:9

Putho lo I ngulho no O laju cheni; I lolo no müamzü O phu cheni. Kughou ayeghi lo Ow küghakütha ighini keno, tile akemi no achipiu mikucho shikalu nani.

MICAH 1:3

Kughengu julo, Ampeu ye Pa kungo-a lono cheni, Pa no iqighi no ayeghi lo qhemghaike-aqo neda nani.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

EZEKEL 20:43

Tilau nongu no nongu laghi eno no kümla khipaqo vecheo nongu ampi shikitiqeve keno tipaqo kümsülu nani, eno kixikila khipaqo nongu no mlaithave keno tipaqo kümtsü ghenguno nongu no nongu ampi jupe aphimqhü nani.

EZEKEL 11:23

Ampeu juküvü no mishighüna lono ikuve no kipelau naghuto akeu lo ngoluve.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.

EZEKEL 8:6

Eno Pa no I vilo pi, “Timi nu, panongu no kiu shi ani keno no ye ithulu anima, ti ye aphikümqhüpu kije Israel laghami no hile mlano I kimthe chineki lono putou I hapuwuve akeu no ye ithulu anima? Ikemu itaghi aphikümqhüpu alau nono ithulu nani.”

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

LESHELE 132:14

“Hi ye alholo I kungo-a ke; I no hile ngoni, kughengu I no hipa-a pulo luvae.

LESHELE 83:16

Akukujo no panoqo gi küzüve tsülo, tishiaye panongu ye O phuighi luvie, O Ampeu.

JOB 33:27

Pa no timiqo zülo alokivishi alephe pi nani: ‘I no axine shive no achipiu pesü tuchighive kemu tipau lame I tsüchile moke.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

BOTHUBO 42:21

Tithiu panongu lakhino lakhi vilo pi, “Kuchou loye ningu ye ni thiküzüu vehu lo akipimi anie, ningu no pa ngulho ghime kitikhi ithulue, pa no ningu vilo qhüiniju kemu ningu no initsü moveke. Tighenguno aghime kitikhi hipau ningu shou ikughi anie.”

AKIKIHI 21:7

Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.

ISAIAH 18:4

Kughengu Ampeu no I vilo pi: “Ghile ghuloki lo akimhi tsüzü toi, tsütsüni lo ghaqhi keu külü toi, I kungo-a lono I no asheshino jupiqi nani.”

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

LESHELE 107:6

Tithiu panoqo ghime lono panongu no Ampeu lau qae, eno panoqo ghime kitikhi lono Pa no panongu xaphe luve.

LESHELE 107:13

Tithiu pano ghime lono panongu no Ampeu lau qae, eno pano ghime kitikhi lono Pa no panoqo xaphelue.

LESHELE 107:19

Tithiu pano veküsa lono panongu no Ampeu lau qae, eno pano ghime kitikhi lono Pa no panoqo xaphelue.

LESHELE 107:28

Tithiu panongu no aveküsa lono Ampeu lau qae, eno Pa no aghime kitikhi lono panoqo xaphelu.

AKUMLO 3:40

Ni laghi phuju no chhejuni nolo, eno Ampeu lau idewonie!