HOSIYA 3:1 - Sumi Naga CL (Re-edited) Bible (BSI)

¹ Ampeu no I vilo pi, “Israel tianuliqo no kütau lhouqo lau tsüghüsü wuve eno atsaikipki sho kimiyeuve namu Ampeu no panongu kimiye aketoi itaghi wulo, totimi khuu kütami no kimiye ani eno küsalhami shi acheni keno li kimiyelo.”

BAIBEL (BSI)

¹ AMPEU no ivilo pi, “Wukithelo eno totimi alojipumi sasu salha akeu lau okikimiye piyelo. Israilmino ilauno tsughusu wuveno atsayithi kipiki pesu ajulho shisukeu lau akumllagho tsu auve pinamu itehi kutolo ino panoqo kimiye ake toi noye atotiu kimiye masae.”

HOSIYA 3:1 Referans Kwoze

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

1 Peter 4:3

Kughengu Alhou kümthami no kiu toi xüche keno, ghaghughale, alhoksa shinike pitipüza keu, shokümzü, ghasükümla, eno ajulho kümlla, hi kümtsü lo nongu ghi aphiphi shi kuloji ighikeu no kughomae.

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

JEREMIYA 3:20

Kuchou no pishikiqhi nipu no li kimi pheveke toi, O Israel kibo, no ye I pishiqhivae Ampeu no asheshu.’”

LESHELE 123:2

Julo, aqemi nhethi no pano mpeu u lo jupuku aketoi, aqelimi nhethi no pano mpeliu u lo jupuku aketoi, Pa no ningu shou kimiyeqhiyi tsümoke kutolo Ni nhethi no Ampeu ni Lhou lau jupuku anie.

1 Kor. 10:21

Nongu ye Ampeu jukhu lo sho püzü tüghami jukhu lo ghi shomlae. Nongu ye Ampeu ghulhu lüpa lo chuno tüghami ghulhu lüpa lo ghi chumlae.

AMUS 6:6

Nongu no akulhobo lono aji sho eno thazü akiviu pesü nongu ampi nukishe cheni, ikemu Joseph kütsave keu ghenguno mloqa moe!

AMUS 2:8

nalu keu theli lo aphimini qhipüa keqo panongu no pesü akümlla-a lono qhazü, pano Lhou ki lono asüchuve kemi tsaiji pewo sho acheni.

NEHEMIA 9:31

Ikeghi Ow kimiyekini kije lono Nono pano püghave mo momu qhive moe. No ye küpükini eno kimiyekini Lhou ke.

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

SAMUEL AKINIU 6:19

eno Israelmi aqokitikhi, kiptimi totimi kümtsü lau asho, ashi eno atsaikipki sho lakhikhi tsü. Tithiu timi kümtsü no pütüta kilo idewove.

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

XAKUTHAMI 9:27

Panongu no pütüta tsailu lo huno atsaithi xope aji mlano aghulhu kije shi eno pano lhou kilo ilo no chusho püzü Abimelek thaigha.

IPEKULU 32:6

Panongu no thanau itheno ithu akipti kümllagho mlla eno külakishi kümllagho süghi. Timiqo no chushoni ye iqa eno ithoizani ye puthughoe.

1 Kor. 10:7

Panongu khami toi nongu ye ajulho kümllami shikevilo; ishi yepüake toi, “Timiqo no chushoni ye iqa eno ilhe niye ithue.”

MATTHEW 26:50

Jisü no pa vilo pi, “Aküsau, nono kiu shiniye ighi keno shilulo.” Tileno panongu no iqhoghi püzü Jisü tsüqü luve no mtotoi pa tshüluve.

HOSIYA 7:5

Ni kükau tsala lo sakiphemiqo ye aji shomzü keu no süuve; Pa no thoküghami gholono pa u xachho tsüke.

HOSIYA 4:11

alokütsü pühavetsü chekeu asalha, aji, eno aji kithe hipaqo lo azüküvü shi auveke.

YEKIKITHI ATUGHIU 16:3

no asho, ashi, eno atsaikipki sho pesü Israelmi kiptimi totimi kümtsü aküphashi kijetsü.

ALE KIMCHI 2:5

Atsaikipki ngo apple pesü I ghüthi püxü no I shikumto tsülo; kughengu ni ye kikimiye küsü no thiqhi anie.

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’