HOSIYA 2:15 - Sumi Naga CL (Re-edited) Bible (BSI)

¹⁵ Tilauno I no li tsailu tsüchile nani eno Achor Khila pe lajupu hukikha shitsü nani. Tilauno li lhothe ghuloki lo toi, Egypt yeghi lono ipeghi kelo toi li no khochile nani.

BAIBEL (BSI)

¹⁵ Ino itaghi atsayilu li tsuchileni cheni, lino achekeu hu eno Akupuna Khila pesu lajupu hukikha lakhi shitsu nani. Lino lhothemi shiakelo, tiye lino Ijip lono ipeghike ghulokilo iputsa ketoi lino tilauno itaghi iputsa chile nani.

HOSIYA 2:15 Referans Kwoze

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

JOSHUA 7:26

Panongu no pa shou atu kümzapu gheqhepe qhive eno ti ye ishi kutolo acheni. Tithiu no Ampeu no pa xukighide iqüve. Tighenguno ishi kutolo a-a tipau pesü Achor khila ipi cheni.

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

John 10:9

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

EZEKEL 16:60

ikeghi o lhothe tsala lo toi Ni ye Iw puloshoqhi o sasü shikeu kümsülu nani, eno I no o ghenguno shekhaha puloshoqhi lakhi shi nani.

EZEKEL 16:22

Ow aphikümqhüpu eno kütüqha keu kümtsü lo no ye o lhothe tsala lo aphimini pepumo no aphikümsa shi aji lo ihi akeu kümsü mlave.

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

ISAIAH 65:21

Panongu no aki shiqhe no, tilehi küghüna nani; panongu no atsailu chi nani eno atsaizü tipau sholu nani.

ZEKHARIA 9:12

Now sükusho-a lo ideighilo, O lajupu akeu kughumiqo; ishi no I no shuphe anike küghüsü no nongu tsüchileni.

AKUMLO 3:21

Ikemu I no hi kümsüchilelu, tighenguno ni ye lajupu aphie:

JEREMIYA 32:15

Kughengu aqokitikhi MPEU, Israel Lhou no ishi piani: Aghakhu hipau lo aki alu eno atsailu ye qhükithe luni aphie.’

LESHELE 106:12

Tithiu panongu no Pa tsa pülüve; panongu no Pa shekiqhe lephe.

AKIKIHI 21:17

Tileno Israelmi no ale hipau phe: “O Azükikhe, azü ipeghilo, tipau lau ale phelo!

HOSIYA 12:9

Ni ye Egypt yeghi lonomu Ampeu o Lhou ke; tiqhetini tsalaqo lo toi I no itaghi o pelo aphiki lo ngope nani.

ISAIAH 65:10

Sharon ye lhoxü lojiqo ghenguno achu kümza-a shinani, eno Achor khila ye lhoxü lojiqo no ihozü chekeu qha shive nani; I no hitoi shi I phuighi kemi ghenguno shitsü nani.

HOSIYA 2:12

I no li tsaibo eno mububoqo kütsave tsü nani, tipaqo jupe li no ishi piche, ‘Hipaqo ye I lojipumi no tsükeu I jumeqo ke.’ I no tipaqo pesü aghasa shive no tüghashiqo no kütsaleve peni.

LESHELE 129:1

“I lhothe lono panongu no shishe I ghime ighivae”— Israel pelo itehi pi pelo—

JEREMIYA 2:1

Ampeu tsa I lau ighi no pi,

JEREMIYA 3:4

No ye itehi I vilo, ‘I Pu, No ye I lhothe lo küsaue, ipike kumo?

JEREMIYA 29:11

I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

EZEKEL 28:25

“Ampeu Alhou no ishi piani: Kughou I no ashiaye gholo kuthole puwuve keqo Israel laghami hekütsü luve no shiyeqo nhethe lono I kimthe panoqo gholo pephe piyeni keno, tileno I no I qeu Jacob tsükeu yeghi lo panongu no küghünauve nani.

HOSIYA 12:13

Tungkupu vecheo Ampeu no Egypt lono Israel saipeghi, eno tungkupu vecheo pa jukuto.

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

XAKUTHAMI 8:34

Israelmi ye Ampeu pano Lhou, khuu aghümi no panongu homxape ake lono panoqo xaphetsü keno, Pa kümsümave ke.

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.