HOSIYA 11:11 - Sumi Naga CL (Re-edited) Bible (BSI)

¹¹ panoqo no khokhoshi Egypt lono aghau toi ighi nani, eno miqhedu toi Assyria yeghi lono ighi nani, I no aki lo panoqo puwove nani, Ampeu no asheshu.

BAIBEL (BSI)

¹¹ Aghau kumthu toi panonguno Ijip kudauno ighi nani eno miqhedu toi Asiriya kudauno ighi nani. Ino itaghi panoqo ghakhulo panoqo saghi kithe nani. Ni, AMPEU no piani ke.”

HOSIYA 11:11 Referans Kwoze

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 60:8

Khüngküsü toi yewu akeu hipaqo ye khuno kea? Amiqhi no alashe lo aketoi hipaqo ye khuno kea?

ZEKHARIA 10:10

I no Egypt yeghi lono panoqo sasü aki lo ighi nani, Assyria lono panoqo hekütsü no Gilead ngo Lebanon yeghi lo a-a kühave moke kutolo panongu sawo qhinani.

HOSIYA 7:11

Ephraim ye miqhedu toi, mbomzü eno tsükhüi moe, Egypt ku püzü Assyria lo pove.

Obadiah 1:17

Ikemu khunoqo no pokalu keno Zion toghi lo anani, eno ti ye akimthe shi nani, Jacob laghami ye pano mheghi ithuluve nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

EZEKEL 37:21

tileno panoqo vilo pilo, Ampeu Alhou no ishi piani: Julo, shiye khuno gholo Israelmi no wuve keno tipaqo gholono I no panongu saluve nani, eno aqha kümtsü lono panoqo hekütsü sasü pano yeghi lo ighive nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

EZEKEL 34:27

Aluza lo asüboqo no axathi pithi nani, ayeghi no ikoishe athi pithi nani, eno panongu ye pano yeghi lo sükusho lono anani. Kughou I no panow kuokhasü hephove eno panoqo qhasüpe akemi u lono xaphe luni keno panongu no Ni ye Ampeu kepi ithi nani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

ZEKHARIA 8:7

Ikehu aqokitikhi Mpeu no pi: Julo, I no kipela ghakhu eno kulola ghakhu lono Iw timiqo xalu nani,

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”