HAGAYI 2:7 - Sumi Naga CL (Re-edited) Bible (BSI)

⁷ I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

BAIBEL (BSI)

⁷ Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

HAGAYI 2:7 Referans Kwoze

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

KUKAMI ATUGHIU 8:11

ikehu achinemi ye khüngküsü no nhaluve no akümla shimlave, kughengu Ampeu juküvü no Pa ki nhapho luve ke.

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

Luke 2:46

Atsala küthü thiu pa no achineki lo shikükami gholo iqa no panoqo tsa ini eno panoqo vilo ighikuju tsa iniju ake lono pama no wo phulu.

Luke 2:27

Aghungu no pa sasü achineki khala lo iloghi, eno kughou anu Jisü puaza no pa sasü Ayezah kupu niye ighi keno,

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

ISAIAH 60:7

Kedar lo lhoxü loji kümtsü nongu lau süghive nani; Nebaioth lo ambetsüqo ye akümllagho shi nongu lau süghi nani; tipaqo no aghokulu shi I kümlla khache lo ikughi nani, eno I no I chineki jukighilepu shi qhi nani.

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

Luke 21:38

Tishino inaqhe shive aye, timi kümtsü no achineki lo pa kipitsa ini nike ighie.

Luke 19:47

Jisü no tsalakipe achineki lono shika ae. Achinetomi ngo Ayezah shikükami eno ampemi no pa pithive nike kuchughua,

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

YEKIKITHI AKINIU 5:14

eno tipa ghenguno achinemi ye puthughope huthu mlave, kughengu Ampeu juküvü no Alhou ki chhitoive ke.

Luke 20:1

Ghulo lakhi lo Jisü no achineki lono timiqo shika eno atsakiviu sheshu akelo achinetomi, Ayezah shikükami eno layemi no ighi,

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

Kolosiami 2:9

Kughengu Khristo lolo Alhou lhoaye kuchopu kupukülai ani,

LESHELE 85:9

Mtsüqheino Paw xakulu ye Pa sümsa chekemi phivilo ani, tishikeu lono ajuküvü ye ningu yeghi lo anani.

ISAIAH 2:19

Ampeu no ayeghi süküthüni ye ighi kelo timiqo no Pa loghu eno Pa kükanguagha zülono posü atuki eno ayeghi alou itshü nani.

ISAIAH 60:4

Nongu nhethi no pishipuwo julo; panongu kümtsü hekütsü no nongu lau cheni; no nuliqo ye putou no ighi nani; eno nongaqo ye xapu ighi nani.

EZEKEL 31:16

Tipau ikiqi keu ghügha mtsa I no shiyeqo pelo ithape ke, ti ye aqo lo ikiqi ilove keqo gholono I no tipau Kithigha lo vesüve ke. Eno Eden lo asübo kümtsü, Lebanon sübo kishekiphe eno akiviu khikhi azü no pütsü cheni keno tipaqo ye ayeghi qhou alokughuno shive.

EZEKEL 38:19

Kughengu I nhekushu lono eno I loghu miküqü lono I no asheshu, Tipa tsalani ayeghi küghütha kije Israel yeghi lo ighi nani.

EZEKEL 44:4

Tishino pa no ahuu khagho, achineki zülo akeu laghi lono I saighi, eno julo, Ampeu juküvü no Ampeu chineki chhitoive. I no I gi pishiqho luve.

HAGAYI 1:8

Atoghi lo iqho no asü pewo Achineki shiqhelo, tishi aye I no aloqilu eno I juküvüpu shilu nani, Ampeu no pi.

KUKAMI ATUGHIU 8:10

Achinemi no Akimthe-a lono ipeghi kemtsa khüngküsü no Ampeu ki nhaluve,