HAGAYI 1:13 - Sumi Naga CL (Re-edited) Bible (BSI)

¹³ Ikehu Ampeu tsapeu Haggai no timiqo vilo Ampeu tsa pesü pi, “Ni ye nongu gholo ani, ipi Ampeu no sheshu ani.”

BAIBEL (BSI)

¹³ Tileno Hagayi no AMPEU tsape pesu timiqo tsuke: “Ino nongu sasu anani, tiye ishoqhike.”

HAGAYI 1:13 Referans Kwoze

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

MATTHEW 18:20

Kughengu I je lono khilehi mikini momu miküthü kumqoni keno ni ye tile panoqo gholo ani.”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

JEREMIYA 15:20

I no o pesü timi hipaqo lau alazayi tupikiye shitsü nani; panongu no o mjochile nani, ikemu o theqhi lumo nani, kughengu Ni ye o xalu eno o xaphe luni ke o gholo ani, ipi Ampeu no asheshu.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

EZEKEL 3:17

“Timi nu, I no o pesü Israel laghami ghukheu shive tsüae. Kughou nono I kichi lono atsa chiluni keno, no ye I ghenguno panoqo ghutu pilo.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

ISAIAH 42:19

I qeu nguno anhethi kighicheu khuu ani kea? I tsapeu nguno akini kughupou khuu ani kea? Iw kishekiphe nguno anhecheu khuu ani kea? momu Ampeu qeu nguno anhecheu khuu ania?

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.