HAGAYI 1:1 - Sumi Naga CL (Re-edited) Bible (BSI)

¹ Akükau Darius yepe mpe akiniu, aqhi akütsüghou, atsala atüghüu lo Haggai tungkupu vecheo Ampeu tsa Judahw Angh, Shealtiel nu Zerubbabel, eno Jehozadak nu achinetou Joshua lau ighi:

BAIBEL (BSI)

¹ Darus no Persia lo akukatou shikeu ampe akiniulo aqhi akutsughou atsala atughiulo AMPEU no tungkupu Hagayi vechewo atsape tsuke. Tiye Juda lo ahng shiakeu Shealti-el nu Zerubabel ngo Jehozadok nu Achinetou Joshua pama lau pipuwuke.

HAGAYI 1:1 Referans Kwoze

EZRA 2:2

Panoqo ye Zerubbabel, Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum eno Baanah, gholono ighie. Israel lo timi kikihi:

EZRA 3:8

Panongu no Jerusalem lo Alhou kilo ighike mpe akiniu, aqhi akiniu lo Shealtiel nu Zerubbabel ngo Jozadak nu Jeshua pama no pano laghami, achinemi, Levimi eno khunoqo akughu lono Jerusalem lo ideighi keno panoqo sasü achineki huthu. Panongu no Levimi, ampe muku nguno kunguu shive keqo Ampeu ki kümla lo jukütsü penike süküsü shi.

EZRA 3:2

Tile Jozadak nu Jeshua no pa lojimi achinemi, eno Shealtiel nu Zerubbabel no pa laghaqo sasü puthugho, eno panongu no Israel Lhou kümlla khache shiqhe, tipa shou no akipti kümllagho mllani ye shi, ti ye Alhou timi, Moses Yezah lo yepüakeu kiqi lono.

HAGAYI 2:10

Darius yepe mpe akiniu, aqhi atokuu, atsala muku abidiu lo Ampeu tsa tungkupu Haggai vecheo ighi,

HAGAYI 1:12

Tileno Shealtiel nu Zerubbabel ngo Jehozadak nu achinetou Joshua eno ghükulumi kümtsü no Ampeu panongu Lhou no puwu ketoi tungkupu Haggai tsa eno Ampeu panongu Lhou sütsa gholu. Eno timiqo no Ampeu sümsa.

NEHEMIA 7:7

Panongu ye sakiphemi Zerubbabel, Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, eno Banaah gholono ighi. Israelmi kiptimi kikihi hitoi ani:

HAGAYI 1:14

Tileno Ampeu no Judahw Angh Shealtiel nu Zerubbabel ngo Jehozadak nu achinetou Joshua, eno ghükulumi ghungu xukuthove tsü. Eno panongu no ighi no panongu Lhou, aqokitikhi Mpeu ki mlathuve,

EZRA 6:14

Eno tungkupu Haggai ngo Iddo nu Zechariah pama no tungkuptsa pitsü keu vecheo Jewmi layemi no achineki shiqhe eno aju iche mlalu. Israel Lhou yezah vecheo, eno Persia kükami Cyrus, Darius ngo Artaxerxes noqow xaküthaza vecheo panongu no achineki mlaqhive;

HAGAYI 2:20

Tipa qhi atsala muku abidini Ampeu tsa Haggai lau akiniu ighi,

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

NEHEMIA 12:10

Jeshua no Joiakim papu; Joiakim no Eliashib papu; Eliashib no Joiada papu;

NEHEMIA 12:1

Achinemi ngo Levimi hipaqo no Shealtiel nu Zerubbabel ngo Jeshua pama gholono ideighi keqo:

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

NEHEMIA 5:14

Judah yeghi lo I pesü ampe chighikini angh shi kelo, ti ye akükau Artaxerxes yepe mpe amkuu lono shighi akiniu kutolo, ni eno I thiküzümi khumu angh no ithulu küzüpu shi akeu chuqupu chumoe.

EZRA 4:24

Tithiu Jerusalem lo Alhou ki kümla huye lakhave, eno Persia kükau Darius yepe mpe akiniu tomoke kutolo mla mono ngove.

EZRA 4:2

panongu no Zerubbabel eno ali tomi sasü kusho no pi, “Ningu ghi nongu gholo mla pelo, kughengu nongu no mlla cheke toi ningu ghi nongu Lhou mlla cheni, eno ningu ye Assyria kükau Esarhaddon, khuu no ningu hilehi saighi keno, pa ghuloki lono Pa lau aghashi ighivae.”

EZRA 2:63

Angh no panoqo vilo achinemi lakhi no Urim ngo Thummim sasü kighinikile jumoke kutolo shishe akimthe chuqupu lo küsaje kevilo pive.

EZRA 1:8

Persia kükau Cyrus no hipaqo pechile ighive no akinipighiu Mithredath pelo jukükütsüu shipe. Pa no tipaqo kihipe Judah kükapuu Sheshbazzar tsüve.

YEKIKITHI ATUGHIU 3:19

Pedaiah nuli: Zerubbabel ngo Shimei. Zerubbabel nuli: Meshullam ngo Hananiah, eno pama chepu Shelomith;

YEKIKITHI ATUGHIU 3:17

eno Jeconiah nuli akughu lo wuve keqo: Shealtiel,

KUKAMI AKINIU 14:25

Ampeu Israel Lhou tsa, khikhi Pa no Pa qeu Jonah, Gath-hepermi tungkupu Amittai nu, vecheo pi keno, tipau kiqi lono, pa no Israel lughi, Lebo-hamath lono hu Arabah kutolo luchile luve.

KUKAMI ATUGHIU 14:18

Ampeu no Pa qeu tungkupu Ahijah vecheo pikeu kiqi lono, Israelmi kümtsü no mloqa eno pa shiqhove.

Luke 3:27

Joanan nu, Rhesa nu, Zerubbabel nu, Shealtiel nu, Neri nu,

IPEKULU 4:13

Ikemu pa no pi, “O I Mpeu, kimiyeno kütami khuana puwuve lo.”

KUKAMI ATUGHIU 10:15

tipau gholo ameshoyi kuphumi, alhikishimi, kulolau kükami, eno Israel yeghi lo anghqo launo ighiche.

EZRA 5:1

Tungkupu Haggai ngo Iddo nu Zechariah pama no Judah ngo Jerusalem lo Jewmi akeqo lau Israel Lhou panongu gholo akeu je lono tungkuptsa pitsü.

EZRA 5:3

Tipa tüqhüdo lo Tattenai, Aghoki Kukuu phughi lo Angh eno Shethar-bozenai ngo pama lojimi ighi no panongu vilo pi: “Aki hipau shiqhe kithe no shiqhilu penike khuu no azah nongu tsü kea?”

EZRA 10:18

Tile achinemi nuli khami inaghalimi sasü akibo shive kemi phuphelu: Jozadak nu Jeshua lagha eno pa thiküzümi, Maaseiah, Eliezer, Jarib, eno Gedaliah.

HAGAYI 1:2

“Aqokitikhi Mpeu no pi ani: Timi hipaqo no Ampeu ki shiqhe kitheni keu do tomphie piani.”

HAGAYI 1:3

Tileno Haggai tungkupu vecheo Ampeu tsa ighi,

HAGAYI 2:21

“Judahw Angh Zerubbabel pütsa no pilo, Ni ye atsütsü ngo ayeghi süküthüni cheni,

MALAKI 1:8

Kughou nongu no anhethi kighiche lhoxü pesü aghashi mllani keno, ti ye küsakügha kekumo? Eno nongu no lhonima momu aküsü lhoxü pesü mlla keu ye küsakügha kekumo keshea? Tipau pesü nonguw Angh agho chhejulo; pa ye nongu ikhilu momu kimiye tsü nani keshea? ipi aqokitikhi Mpeu no pi.

HAGAYI 1:15

ti ye akükau Darius yepe mpe akiniu, atsala muku abidiu, aqhi akütsüghou lono ke.

ZEKHARIA 1:1

Darius yepe mpe akiniu, aqhi akütacheu shi akelo, Ampeu tsa Iddo nu, Berekhiah nu, tungkupu Zechariah lau ighi, eno pi,

ZEKHARIA 3:1

Tithiu pa no achinetou Joshua no Ampeuw kungumi zülo puthugho aghi keu, eno Satan no pa u ajeu puthugho no pa nguku aghi keu I piye.