HABAKUK 2:6 - Sumi Naga CL (Re-edited) Bible (BSI)

⁶ Panongu kümtsü no pa cheqhi eno junu ghi thaigha keu tsa pa vilo pi, “Khuu no paw kumomu pekütsü luve eno aküna shoqhi thimeqo pa salashi qhiluve keno ahasapue! Khitohi ow shini kea?

BAIBEL (BSI)

⁶ Leluvekemino panoqo leluvekemi cheqhi nani eno thaighakeu panoqo vilo pi nani. Panonguno ishi pi nani, “Owu kumoamu nono luveke, ikemu noye puhaniake! Nongu piagha pua kemi pelo tsuvepe nike anguka vesu puzu ado khitohi nonguye kinimi shikithe ache nani kya?”

HABAKUK 2:6 Referans Kwoze

MICAH 2:4

Tipani panongu no nongu müsü kutho keu le phe eno kukhukimji shi qa nani, eno, “Ningu ye shishe kütsavae; Pa no Iw timi saje kilive tsüae; kishi Pa no I launo ti ikhipe wuvetsü akelae! Pa no ni luzaqo pesü pülümo kemi tsüvae,” ipi nani.

JEREMIYA 50:13

Ampeu loghu ghenguno tile küghüna move nani ikemu ixapinyi qhive nani; ti kathawu kemi no thüghüi eno aghüzaku jukünatha nani.

JEREMIYA 29:22

Pama ghenguno Judah lono Babylon lo akughu shi akemi kümtsü no ghusho keu tsa hipau pi nani: “Babylon kükau no ami lono Ahab ngo Zedekiah pitive ketoi Ampeu no nongu lau tishi tsü peni,”

AKIKIHI 23:7

Balaam no tungkuptsa hipau pitsü: “Balak no Aram lono I sasü ighi, kipela naghuto küdau Moab kükau: ‘Ighilo, I ghenguno Jacob ghusho lo, ighilo, Israelmi müsüinive lo!’

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

Luke 12:20

Ikemu Alhou no pa vilo pi, ‘Mbomzüu! Itijiu no o küxü avehupu shivae, eno nono kutope püa keqo ye khuuw shive nani kea?’

HABAKUK 2:13

Julo, timi no ime mla chekeu ye ami no pitive tsüniye ke, eno shiyeqo no ame küha keu lono ime chekeu ye aqokitikhi Mpeu no kekumo?

HABAKUK 1:15

Aghümi huno akha kümsüpuyi ngo akhame pesü panongu kümtsü sünhephe; panoqo hakütsüpe ghokütsü keu-a lo süve; eno pa ye alovi eno amloqi ani.

EZEKEL 32:21

Kithigha lono aghütomi no panoqo eno pano kukuphumi ghili pi nani: ‘Panongu ye iqighivae, panongu ye aphighüyiko ghamo kemi, khunoqo ghüyi lono wove keno panoqo gholo ihozü ani.’

ISAIAH 55:2

Kushiye asho lono kumono kütau lono pisa peveni kea? kushiye kiumu aghapiqimla keu lo mlapuku ani kea? Tsaqüi I tsa inilo eno kiu no akivi keno ti chulo, eno achuqupu kivi pesü nongu lopivilu lo.

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

AHOLE 22:16

Küakini kughuko niye kumlhomi nedaqoda, momu tughotili pesü kinimi tsü chekemi ye kumlhomiu shi nani.

LESHELE 94:3

O Ampeu, küsaküghami ye ado khitohi, Küsaküghami ye khitohi alovi anani kea?

AKIKIHI 23:18

Tileno Balaam no tungkuptsa hipau pitsü: “Ithulo Balak, inilo, O Zippor nu, o kini I lau kugho puwolo:

ISAIAH 10:13

Kughengu pa no pike: “I kumto, I lokütsü lono I no tolue, kughengu ni ye vethakulu anie; I no ashiayeqo dolo alughi xavetsü, eno pano küakini xüle luve tsü; amshitsü toi I no kükami shokulue.

HABAKUK 2:12

“Khuu no aji pelekeu lono mishiphu shiqhe eno kixikila lono mishighüna puthupheni keno ahaküsapue!

ISAIAH 5:8

Khunono kütami yeghi kühave moke kutolo aki-alu koluve tsüno aqha kuchopu nongu likhi auve cheni keno ahasapue.

JEREMIYA 17:11

Timi no kuchokumo lono akini shilu keu ye akhi no yikhu qhimo keu khopheke toike, pa küxü mta lono akini hauve nani, eno ashekha lo anikha shive nani.