HABAKUK 2:4 - Sumi Naga CL (Re-edited) Bible (BSI)

⁴ “Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

BAIBEL (BSI)

⁴ Atsape huye hike: ‘Khunoqono alhoksa keno puxumo nani ikemu khunoqono amikucho keno xulu nani kughengu panonguye Alhou lau amikucho shi achenike.’ ”

HABAKUK 2:4 Referans Kwoze

Rommi 1:17

Kughengu ishi yepüake toi, “Amikuchomi ye aküpülü lono xülu nani,” atsakiviu lo ghi Alhou mikucho ye aküpülü lono huthu eno aküpülü lono kishekha keu pephe piye ani.

IBRIMI 10:38

ikemu Iw amikuchomi ye aküpülü lono xülu nani, eno pa no athiu idewove aye ni ye pa shou I lokiqi kühave nani.”

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

LESHELE 49:18

Kughengu pa xülo pa ampi no pa ye müghae pi anamu, —o ghenguno akivi shilu kelo akishe ithulu anamu—

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

EZEKEL 18:9

I zakütsü pape, eno pükhükulu shi mlaitha keu vecheo Iw pimheye pape aye, pa ye amikuchomi; pa ye mtsüqheino xülu nani ipi Ampeu Alhou no asheshue.

DANIEL 11:12

Kughou aqokitikhi sawuve keno, pa mlo ye qhezave nani, eno pa no qhethonhe chighi shou ghiqhive nani ikemu tokulu shimo nani.