HABAKUK 2:17 - Sumi Naga CL (Re-edited) Bible (BSI)

¹⁷ Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

BAIBEL (BSI)

¹⁷ Nonguno Libanon ghasu yeqhiveke; itehiye noyeqhive nani. Nonguno tipaulo lhoxu akeqo pithiveke; itehiye lhoxuno nongu shikumsa nani. Hipau shi nani kughengu nonguno timi ghiqhi puanike eno nonguno ayeghiqhalo akemiqo eno panoqo phughi shou a-ubeke.

HABAKUK 2:17 Referans Kwoze

HABAKUK 2:8

Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

ZEKHARIA 11:1

O hukikhaqo khaqhilo, O Lebanon, tishino ami no ow cedarboqo pitileve penie!

LESHELE 55:23

Ikemu O Alhou, kütsakungo keu qo lo Nono panoqo kulusüve nani; ajiküxümi ngo thekuchumi ye pano küxüdo tüxamu xüwo tomo nani. Ikemu ni ye O pükhübe ache nani.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

AHOLE 28:17

Timi küxü luvetsü keu kipimi xapu chekemi ye akithi kutolo poche nani, khunomu pa kuphu kevilo.

LESHELE 137:8

O Babylon limi, kütsaveni küau, nono ningu lau mlakeu lo khuu no o lochile luni keno pa lokivipue!

JEREMIYA 50:14

“Asüzü piqepe akeqo, Babylon lenike homxape ngoluve lo; li kaqhilo eno apiji qhive kevilo, kughengu li ye Ampeu shou axine shivae.

EZEKEL 28:16

Ow kilhisho kupukuno shikeu lono no ye ngukangugha no chhitoive no axine shive kehu I no Alhouw naghuto lono kitiqeve keu thime toi o peve, eno atu iqü akeqo dolono o kütsave ke, O hikujuu cherub.

EZEKEL 31:16

Tipau ikiqi keu ghügha mtsa I no shiyeqo pelo ithape ke, ti ye aqo lo ikiqi ilove keqo gholono I no tipau Kithigha lo vesüve ke. Eno Eden lo asübo kümtsü, Lebanon sübo kishekiphe eno akiviu khikhi azü no pütsü cheni keno tipaqo ye ayeghi qhou alokughuno shive.

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

HABAKUK 1:17

Imaye pa ye pa khame kümsashi kuthole auve eno alholo kimiyemo mithe shiyeqo ghiqhi auve nani keshea?