HABAKUK 2:14 - Sumi Naga CL (Re-edited) Bible (BSI)

¹⁴ Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

BAIBEL (BSI)

¹⁴ Ikemu azughilo azuno chhitoi akeshi AMPEU kimthe jekipi ithikeuno ayeghi chhitoi nani.

HABAKUK 2:14 Referans Kwoze

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

AKIKIHI 14:21

Ikemu I juküvü no ayeghi kümtsü yepüvü anani ke Ni Xüküau no hi piqhi ani,

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

EZEKEL 47:5

Itaghi pa no auxakuchho 500 mighiju kelo ti ye aghoki ilhouve kehu ni ye katha mlave, kughengu azü no thoikughive. Ti ye azümihi kepu qhemishi thonheive, aghoki ye kathalu kepu shimove.

MICAH 2:9

Nongu no Iw timi totimiqo pano lokughuno ki lono eno pano tianuliqo launo hapheve, eno alholo ghenguno I juküvü pewuve tsüae.

HABAKUK 2:15

“Khuu no pa kisüghümi aji piye cheni keno ahaküsapue— pano phikümsa lo jupukuni ye nono o loghu leqhi tsüno panongu pelo shomzü peke!

ZEFANIA 3:9

“Kughengu tipa ghuloki lo I no shiyeqo tsapi tsüghükhüi shi kilive tsü nani, ti ye kümtsü no Ampeu je kulu eno lakhi shi Pa qelu peniye ke.

ISAIAH 33:6

eno nongu boqha kumtopu shino xakulupu, alokütsü, eno akighithi pofushi tsü nani; Ampeu sükümsa no Zion küakinie.

HABAKUK 3:3

Alhou ye Teman küdau no ighi, Akimtheu ye Paran Toghi lono ighie. Pa juküvü no atsütsü nhakha, Pa shekiqhe no ayeghi chhitoi.