HABAKUK 1:13 - Sumi Naga CL (Re-edited) Bible (BSI)

¹³ Ow tsüghükhüi keu nhethi ye alhoksa eno akumou shou jupukulu chemoke kushiye thekuchumi shou inaqhoi jupuku, eno küsaküghami no pa nguno amikuchomi munove kelo iqünhei ngove cheni kea?

BAIBEL (BSI)

¹³ Ikemu noye kishino lhoksa kugha hekibidemi hipaqo jualu cheni kya? Onhethi ye shishe akimtheke kishino alhoksa shou jupukuni kya? Noye timino akumou shiaghi keu shou jupukumlake. Tishiaye panonguno panoqo nguno amikuchomi kutsaleve akeulo noye kushiye inaqhoi ani kya?

HABAKUK 1:13 Referans Kwoze

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 10:15

Kixikilami ngo küsaküghami u hechheve tsülo; paw kixikila kühave moke kutolo kichephe tsülo.

SAMUEL AKINIU 4:11

Tishi aye tinguno alau, kughou küsaküghami no achipiu mikuchomi lakhi pa ki eno pa züabo lono heqhive keno, ni ye nokujo u lono pa ji avehupu shimoni keshea eno ayeghi lono nokujo kütsave moni keshea?”

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

ISAIAH 64:12

O Ampeu, No ye hipaqo jupe O likhi O hakha ani keshea? No ye inaqhoi ngove no ni pelo aghimeshi apeni keshea?

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 21:2

Mkamghai keu kungunhetsü no I vilo pi; thekuchuu no thechuvae, eno kütsakungo chekeu no kütsavae. Wulo O Elam; khasülo O Media; Babylon no püqapunu chekeu I no kishekhave tsü anie.

LESHELE 83:1

O Alhou, inaqhoi auve kevilo; inaqhoi momu iqünhei auve kevilo, O Alhou!

LESHELE 73:3

Kughengu kughou I no kixikilami küakini ithulu keno ni ye aqheküzami jumineve.

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

LESHELE 35:22

O Ampeu; Nono ithuluvae, inaqhoive kevilo! O Ampeu, I launo putosü kevilo!

JOB 15:15

Ithilo, Alhou ye Pa ghinimi pükhübe chemoe, atsütsü ye Pa zülo tsüghükhüi anike kumoe;

ESTHER 4:14

Kughengu nono hipa tüqhüdo lo inaqhoive aye, Jewmi ghululu eno xaphe luni keu ye a-a kütau lono ighive nani, ikemu no eno o pu kibo ye pühave nani. Eno khuu no ithi ani kea no ye ado hitoi keu ghenguno kükaqha lo ighi aghiluvi ke!”

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

JOB 21:7

Kushiye kixikilami no ateasü kutolo xüno mtokithe cheni kea?

LESHELE 18:26

mqhamqhi kemi lau Nono mqhamqhi keu piye cheni; eno chighichilai kemi Nono saküghüzü cheni.

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

LESHELE 35:17

O Ampeu, No ye ado khitohi juani kea? Panow kütsakungo keu, eno abongshuu launo I küxü mekusho kuphu tsülo.

LESHELE 35:25

Panoqo pelo amlo lono ishi pipe kevilo, “Aha, ni mlo lo kümsü pulo ake toivae!” Panoqo pelo ishi pipe kevilo, “Nino pa munovae.”

ISAIAH 24:16

Ayeghi shekhau no Amikuchou lau agigihupu eno shekiqhe le phekeu nino chilu ani. Ikemu I no pi, “Ni ye kimghoi eno miqemleivae, I hasapuae! Thekuchumi no thechuvae, pano mqümgha no timi mlaqhivae.”

AKUMLO 3:36

milakhi tsa kükügha süchighi keu ye Ampeu no pulomoe.

HABAKUK 1:14

Azüghi lo akha toi, eno itikiche lhoxüqo no yepeu küha ketoi Nono timiqo mlae,

ZEKHARIA 8:17

nongu mlo lono lakhino lakhi shou küsakügha kuchughu kevi, eno kichile shoqhi kimiye kevilo, kughengu hi kümtsü I no mithike, ipi Ampeu no asheshue.”

ZAKINIU 23:15

“Aqemi lakhi no pa mpeu launo pove no o lau ighi kelo, nongu ye pa mpeu tsüchile moni.

JOB 24:23

Pa no sükusho pesü tsükeu lono panongu ye mtotoi luvi, ikemu Pa nhethi no pano küxü jukuto acheni.