Galatiami 6:9 - Sumi Naga CL (Re-edited) Bible (BSI)

⁹ Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

BAIBEL (BSI)

⁹ Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani.

Sümi Tiqhelimi Bible

⁹ Ningu ye akivi kümlà shini keu lo aghüthisüve moni nolo, kughengu ningu no aghüthisümo no mülà aye ado achipi lono ghile kivi hulu nani.

Galatiami 6:9 Referans Kwoze

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

2 Thes. 3:13

Athiküzümiqo, akivi kümla shini keu lo aghüthisü kevilo.

IBRIMI 12:3

Axinemi no Jisü mithi kelo pa ye kishi kutuu keno kümsü julo, tishianguno nongu ye aghüthi sümo eno amlo haumo nani.

1 Peter 2:15

Kughengu nongu no akivi shikeu lono mbomzümi yekümtha hasü luve keu hi no Alhou pulou ke.

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

1 Peter 3:17

Kughengu Alhou lopushi aghi aye, alhoksa kümla ghenguno imeve keu ye akivi ghenguu no imeve ke pavie.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

Piyeküsü 2:3

Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.

1 Peter 4:19

Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.

Luke 18:1

Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

MATTHEW 24:13

Ikemu khuu no ashekha kutolo kutuu luni keno xaluve nani.

ACHINE 26:4

I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

ZAKINIU 11:14

Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

LESHELE 145:15

Kümtsü nhethi no lajuqhiyi O lau jupuwu cheni, eno Nono atusho achipi lono pano chuqupu tsücheni.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

ZEFANIA 3:16

Tipani Jerusalem vilo pi nani: “Msa kevilo, O Zion; o u miqemleive kevilo.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

Ephesiami 3:13

Ikehu I no nongu ghenguno aghime sholu akeu jupe aghüthi süve kevilo, ti ye nongu gigihupu ghenguno ke.

LESHELE 104:27

Atusho kiqi lono achuqupu pano tsü peniye hi kümtsü no O lau ju acheni.

IBRIMI 12:5

Nongu ghüthi püxü tsüniye anuliqo ipi nongu kukeu kümsümave akeshea? “I nu Ampeu no sakiyi qoputhu kelo iniküküzüi kevilo, o lomipi kelo aghüthisü kevilo.

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.

LESHELE 126:5

Khunono anhezü kipiji lono xusü cheni keno alokivishi ghile hulu nani!

AHOLE 11:18

Kixikilami ye pishikiqhi jume qelu cheni ikemu khuu no amikucho xusüni keno mtsüqhei no asaxü ithulu cheni.

YETSAPIU 11:1

O sho pesü azü lo vesüve lo, nono atsala kutomo thiuno ala pekütsülu nani.

JEREMIYA 45:3

Nono pike, ‘Ni ye ahaküsapue! Kughengu Ampeu no Iw shiluküsa lo aghime süküphave tsüae. Ni ye aghime ghügha no lhovae eno akulhoqhi mlavae.’

2 Kor. 9:6

Atsa ye hike: khuu no aghulo xusüni keno aghulo xolu nani, eno khuu no kutomo xusüni keno kutomo xolu nani.

BOTHUBO 29:7

Pa no pi, “Julo, atsala mta shi aphi; lhoxü lojiqo hekütsü kepu do shimphie. Ambeqo azü tsüve no wulo, tipaqo pelo achu mza aghi pelo.”

MATTHEW 9:19

Jisü no ithu püzü pa khopemi gholono timi papesü wu.

MATTHEW 25:17

Titoi ghüka 2,000 ithulu keu ghi tipaqo pesü ghüka 2,000 ala kimje luve.

Mark 3:3

Jisü no au kithiu vilo pi, “Hilau ighilo.”