Galatiami 5:10 - Sumi Naga CL (Re-edited) Bible (BSI)

¹⁰ Nongu ye kütau kükümsü lumo nani kepi ni ye Ampeu lau pükhükibe ani, khuu khuu shi aghimu nongu pünaqhi akeu ye pa no aghime pumasae.

BAIBEL (BSI)

¹⁰ Ikemu Ampeu gholo ningu xukimepe akeu lono niye nongu shou imlo itha mphike nonguye ino kumsu akeu nguno kutau kumsumo nani. Khuno nongu mlo shipusatsu anikeno Alhou no pa shou kughathabe nani.

Sümi Tiqhelimi Bible

¹⁰ Nongu ye akükümsü kütau lumo nani kepi niye Ampeu shou pükhübe ani. Timi khuu no nongu pesü kübangü keu lo vesü ani keno, tiye khuu-khuu shi aghí namu, pa ye aghime ithulu moayesa nani.

Galatiami 5:10 Referans Kwoze

Galatiami 5:12

Khunono nongu pünaqhi ani keno ni ye panongu phighü pichive penishi ani!

FILIPIAMI 3:15

Ningu khunoqo aküpülü lo tekhoive akeno hitoi kümsü kepue; eno nongu no kütau kiuala kümsü aghimu tighi Alhou no nongu lau pephe piye nani.

Galatiami 1:7

Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

2 Kor. 2:3

I no tishi yesü yeve, tishikeu lono kughou I no ighini keno, ni ye I lopivitsü kemi jupe I mloküsapü shimo niye ke, kughengu I lokivi ye nongu lokivi ghi kepi I no mtsüqheino nongu shou pülübelu ani.

1 Tim. 1:20

Timi tipaqo gholo Hymenaeus ngo Alexander pama ghike, I no pama pesü Satan küka lau phesüve tsüae, tishikeu lono Alhou thaigha pemo niye ke.

Galatiami 6:17

Hinguno hilauye timi khumu I pünaqhi kevilo, kughengu ni ye I phimpi lo Jisü zaku xapu anie.

Galatiami 4:17

Panongu ye akimji kivi kühano nongu züiza ani. Panongu ye nongu pesü ni launo kütüta shive tsünishi ani, tishikeu lono nongu pelo pano lau amlotsü peniye ke.

Galatiami 3:1

O Galatiami mbomzümiqo, khuu no nongu shiküghüzüve kea? Jisü Khristo ye nongu nhethe lono pekipheshi yedave ke.

Galatiami 2:6

Ikemu khunono akhotomi ipi kihiche keno (panongu no kiu kiu shi aghimu I ghengu ye kiumu tipaqo kimhe akepu kühae; Alhou ye agiju chemoe) I no pi anike akhotomi ipi chekeqo ye I ghenguno ame kühae.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

2 Kor. 10:6

Nongu no thokha lo aghokulu shiluve kelono aghokulukumo ghimeni ke ningu ye kutope ani.

1 Kor. 5:5

nongu ye timi hipau phiashi kütsave penike ikhiphepe Satan tsüvelo, tishianguno Ampeu tsala lo pa ghungu xalutsü penie.

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Philemon 1:21

I no kiu pi ani keno no ye tinguno alau ghi mla nani kepi o ghokulu ithi ghi ni ye o lau ye ani.

2 Thes. 3:4

Nino azah nongu tsüke toi nongu ye mla ani eno tishi anani kepi nongu ghenguno Ampeu lau amlo mtotoi ani.

Galatiami 4:20

Ni ye itehi I tsapi ghola kilive no nongu gholo aghinishi ani, kughengu nongu ghenguno ni ye avehu künacho ani.

Galatiami 4:11

Ni ye adou lono nongu gholo ime mlache keshela pi msa auvae.

2 Kor. 13:10

Hi ghenguno I no nongu launo putou akelono hipaqo yelu anike, tishianguno I no ighi kelo ni ye Ampeu no xaleqhive peniye kumono shiqhe puku peniye kükagha I tsükeu nongu lau mkamghai peithamo nani.

2 Kor. 10:2

I no nongu qhüiniju anike I no ighi kelo I pelo nongu lau mghachhoipe kevilo; kughengu timi khami khunoqo no ningu ye ashi gholau no checheni pi pülüpüsa cheni keno ni ye tipaqo lau mghachhoi nanike.

2 Kor. 8:22

Pama gholo ni thiküzüu lakhi khuu nino ghuthu kutomo pejuve no amlokütsü shi ithulu keno pa puwu ani, eno itehi pa ye nongu shou pülükibe kije akeu ghenguno alau amlo tsüqhiyi ani.

2 Kor. 7:16

I no nongu shou qhoi pükhübelu kehu ni ye alovi ani.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

2 Kor. 2:6

Timi tikithipu lau aqo akichiu no aghime hipau beve keu no lumkhavae,

2 Kor. 1:15

Ni ye hipau mtsüqhei ake ghenguno I no atüghüshi nongu lau ighini, tishino nongu pelo ghuthu akiniu Ampeuw küpükini puju shijulu penie pi kughu ae.

Galatiami 5:7

Nongu ye akivishi pocheke. Khuu no kuchou gholuni keu lono nongu hachileve kea?