Galatiami 4:26 - Sumi Naga CL (Re-edited) Bible (BSI)

²⁶ Ikemu kungugha lo Jerusalem akeu huno ililai keu totimi, li ye ningu paza ke.

BAIBEL (BSI)

²⁶ Ikemu anipu kuchou huno kungughalo akeu Jerusalem kumlhoke, liye ningu zake.

Sümi Tiqhelimi Bible

²⁶ Ikemu Jerusalem kunguu akeu ye kuqhophevea ke, eno li ye ningu pazá ke.

Galatiami 4:26 Referans Kwoze

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

FILIPIAMI 3:20

Ikemu ningu ye kungugha ghakütsami, eno ningu ye Xakuluu, Ampeu Jisü Khristo tilauno ighini keu huqhe cheni,

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

Galatiami 4:22

Kughengu ishi yepüani ke Abraham no anu kini ache, lakhi no aqüaxeu totimi vecheo eno lakhi no ililai xüchekeu totimi vecheo punuke.

Rommi 6:18

eno axine lono kuqhopheve akehu Alhou chipiu qüaxemi shiluvae.

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

John 8:36

Ikehu Anu no nongu khaqhiphe aye, nongu ye kuchou no kuqho phevae.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

ISAIAH 65:18

Ikemu I no lhophetsü keu shou alholo alovi eno alokiqi shilo; kughengu julo, I no Jerusalem lhophe keu ye alokivi shipeniye ke, eno liw timiqo pelo alovi peniye ke.

HOSIYA 4:5

Nongu ye puchou no küpxalu nani, tungkupmi ghi nongu sasü putho lono küpxalu nani; eno I no nongu paza kütsave nani.

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’

HOSIYA 2:2

“O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

Piyeküsü 17:5

Eno li kishe lo ithikümla tuqhou je lakhi yepüa: “Babylon akijeu, kütüqhalimi eno ayeghi shikipiximi paza.”

Galatiami 4:25

Hagar ye Arabia lo Sinai Naghuto, li ye itehi Jerusalem sasü kimhelu ani, kughengu li ye li tianuli sasü aqüaxe lo anike.

Piyeküsü 12:1

Tishino atsütsü lo amchipu kije lakhi ipeghi: totimi lakhi no khetsünhe pepu, apukhu no aqhi nepe no ayepu chighikini pesü dakeu kütsükuqho xapu aghi.