Galatiami 3:28 - Sumi Naga CL (Re-edited) Bible (BSI)

²⁸ Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

BAIBEL (BSI)

²⁸ Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Sümi Tiqhelimi Bible

²⁸ Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 3:28 Referans Kwoze

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

Ephesiami 4:4

Alhou no lajupu lakhi lo nongu kulu ketoi, aphimpi lakhi eno Aghungu lakhi likhi ani—

Rommi 9:24

eno ti ye ningu khunoqo Pa no kuluve akeno, Jewmi dolo likhi kumono Jewkumomiu ghi kümtsü kihisü ani.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

1 Kor. 7:14

Kughengu aküpülü kumo akimi huye pa nipu vecheo akimthe shiluve nani, eno aküpülü kumo anipu huye li kimi vecheo akimthe shiluve nani. Tikumo aye no tianuli ye mithekumo shiniae, ikemu itehi panongu ye ikhikulupu shiani.

JOYIL 2:29

Tipau ghuloki lo I no aqemi kiptimi ngo totimi shou ghi I Ghungu lepukutsü nani.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

Galatiami 4:14

eno I phimpi lo küsükini anamu nongu no I thogha momu peve mono Alhouw kungumi toi eno Khristo Jisü toi ni ikhilue.

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

Ephesiami 1:1

Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

Kolosiami 1:4

kughengu nongu küpülü Khristo Jisü lau akeu, eno küpülümi kümtsü ghenguno kikimiye akeu ningu no chiluvae,

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,