Galatiami 3:20 - Sumi Naga CL (Re-edited) Bible (BSI)

²⁰ Lacheu huye amqo lakhi sala likhi kumoe, ikemu Alhou ye lakhie.

BAIBEL (BSI)

²⁰ Ikemu khileno ampino shini keno lachemi avehupu kuhae, kughengu Alhou ye lakhie.

Sümi Tiqhelimi Bible

²⁰ Lakipiu lakhi ye amqo kini dolo puloküqhalu pe nikeu ghenguno avehupu shi cheni. Ikemu Alhou ye lakhi kehu, kughou pa no Abraham lau pikiqhi shi keno pa ye lakipiu avehupu shimo ke.

Galatiami 3:20 Referans Kwoze

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

ZAKINIU 6:4

“O Israel, hi inilo: Ampeu ni Lhou likhi no Alhou ke!

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.

JOB 9:33

Alhou nikujo dolo mtakiphiu aghi penishi nolae, nikujo shou aghibiu lono pa küka peitha penishie.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

Galatiami 3:17

I no pi akeu ye hike: ampe 430 thiuno ighikeu Yezah huye Alhou no azüu no puloshoqhi shi püakeu hexave moe, eno pikiqhitsa abokümsa shive tsümoke.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

Apostolmi 12:20

Herod no Tyre ngo Sidonmi sasü kimpi ache kehu panongu no amlo lakhi shino pa lau ighi. Akükau ki jukükütsüu Blastus züiza no panongu no Herod vilo külakishi tsa pi, kughengu pano ghakhumi ye achuqupu ghenguno akükau ghakhu pükhü cheke.