Galatiami 3:17 - Sumi Naga CL (Re-edited) Bible (BSI)

¹⁷ I no pi akeu ye hike: ampe 430 thiuno ighikeu Yezah huye Alhou no azüu no puloshoqhi shi püakeu hexave moe, eno pikiqhitsa abokümsa shive tsümoke.

BAIBEL (BSI)

¹⁷ Ino piakeu kiqiye hike. Alhou no pulo shoqhi lakhi shipuzu tipau shikupuniyeke. Ampe 430 thiuno ighikeu huye tipau puloshoqhi hexavemla eno Alhou no piqhipuakeu ikhi vemlae.

Sümi Tiqhelimi Bible

¹⁷ Eno I no piakeu kiqi ye hipau ke: Alhou no Abraham vilo piqhi keu mpe 430 thiu no ayeza Moses tsüke ghenguno Alhou ye azüu puloshoqhi shipüa keu iqeve no pikiqhi ikhive anike kumoe.

Galatiami 3:17 Referans Kwoze

BOTHUBO 15:13

Tileno Ampeu no Abram vilo pi, “Mtsüqheino ithilo, o tikughuko ye inaghami yeghi lo kupokichemi shiuve nani eno tilau aqemi shive nani, eno ampe 400 kutolo panongu kijipüsa ghimeqhi nani.

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

Rommi 3:3

Imaye ti pülü move kemi khami yeo? Panow pükhükümla huno Alhouw pükhübekulu kümsa shivetsü nanio?

Kolosiami 2:4

I no hi pi akeu ye khuu pelomu kighekithi tsa pesü nongu pishiqhive pemonie.

Galatiami 5:4

Nongu khunoqo ayezah vecheo achipikani ye pükapütsa ani keno, nongu ye Khristo launo kütüta shivae; nongu ye küpükini lono ikiqivae.

Galatiami 3:15

Athiküzümiqo, timi küxü lono I no kimghi piyeni: timi dolo puloshoqhi thotsü mlave kethiu ye nuxave mla momu süküqha mlae.

1 Kor. 1:17

Kughengu Khristo no I puwu keu ye baptiz shipeniye ke kumoe ikemu Atsakiviu pikülha peniye ke, alokütsü tsa pikithi pesü kumoe, tikumo aye Khristow kros küka ye abokümsa shiveni cheke.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

IBRIMI 7:18

Ala lakhi lo püzüu zakütsü ye miqemlei eno avehu kühave kehu qhivae

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

Galatiami 3:21

Imaye Ayezah ye Alhouw pikiqhitsa bidelau keo? Khilemu kumoe! Kughengu aküxü ithulu peniye Ayezah tsü püaghi aye, Ayezah vecheo achipikaluni cheke.

2 Kor. 9:6

Atsa ye hike: khuu no aghulo xusüni keno aghulo xolu nani, eno khuu no kutomo xusüni keno kutomo xolu nani.

1 Kor. 10:19

Tishiaye ni ye kiu piani kea? Ajulho mllakeu chuqupu ye kiuala keo ajulho no kiuala kea?

1 Kor. 7:29

Athiküzümiqo, I no pi akeu ye hike: kihikütha do ye ikhonheivae. Hinguno hilau ye anipu luve kemi no külamphi kemi toi xülo,

1 Kor. 1:12

I no piakeu ye hike: nongu lakhikhi no piani, “Ni ye Paul laumi,” “Ni ye Apollos laumi,” “Ni ye Peter laumi,” momu “Ni ye Khristo laumie.”

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

Apostolmi 7:6

Alhou no ishi pike, ‘Pa polo kughukomi ye kütami yeghi lo kachenami shinani, tilau ampe 400 kutolo aqüaxe shi kijipüsa nani.

ISAIAH 28:18

Tileno now puloshoqhi akithi sasü shikeu ye xave nani, eno Kithigha sasü puloküqha keu ghi pemlave nani; aghümi no züqozü toi jole ighi kelo nongu ye yipe wuve nani.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

JOB 40:8

No ye I küghape akumou lo qhini kea? Nono achipiu shiniye akipimi I tsüni keo?

AKIKIHI 30:8

Ikemu li kimi no chiluke tsalani no li lakha aye, li no ashoqhi momu kümsüju mono ashoqhi shive keu pa no shipühave tsüae. Eno Ampeu no li kipimi qhivetsü nani.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

Galatiami 5:16

Ikemu I no piani, Aghungu lono chechelo, tishiaye nongu ye ashi lo kimne ghakiqipu shimo nani.

LESHELE 105:9

ti ye Pa no Abraham sasü puloshoqhi shikeu, Isaac lau Paw tushokiqhi shoqhi shikeu ke.

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.