Galatiami 2:4 - Sumi Naga CL (Re-edited) Bible (BSI)

⁴ Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

BAIBEL (BSI)

⁴ Qeti timi khamino athikuzumi kepi nigholo kihikuqha iloghino Tito peloghi ayiko ghave penishi ake. Timi tipaqoye ninguno Khristo gholo xukuqhape ililayi akeu miqejuniyeke, tishino panonguno ningu tshupe qhiveniye shike.

Sümi Tiqhelimi Bible

⁴ Hipau vehu ye kichileu küpülümiqo khami no ningu no Khristo Jisü vechewo ghoshixü akeu pukuju shi niye ninguw kushoqhe akeu lo itshüiloghi no ningu pesü aqüaxemi shive nike ghenguno ipeghi ke.

Galatiami 2:4 Referans Kwoze

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

Galatiami 4:3

Tipaphi lono ningu ghi kughou nino itimi shiche keno ayeghi lo kükütsü jeli no qhasüpe acheke.

2 Kor. 11:26

hijeje kicheghüzü lo chekelo kümsapu jeli hipaqo sholu püani: aghoki, süxakulumi, ni likhi niw timi, shiye kütami, mishighüna lono, asayeqha lono, azüghi lono, kichile thiküzümi;

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

2 Tim. 3:6

Hipaqo gholo khami ye mqümgha shi akiqo lo ilo no, miqemlei kemi totimi, axine makho no qaqhipe akeqo, alaghi jeli lono minemighei keu pesü zü sawuve cheni,

Galatiami 5:10

Nongu ye kütau kükümsü lumo nani kepi ni ye Ampeu lau pükhükibe ani, khuu khuu shi aghimu nongu pünaqhi akeu ye pa no aghime pumasae.

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

2 Kor. 11:13

Kughengu timi titoi keqo ye kichile apostolmiqo, pishikiqhi kümlami, Khristow apostolmi ghilishi chekeqo ke.

2 Kor. 3:17

Ampeu ye Aghungu, eno khilehi Ampeu Ghungu ani keno tilehi kuqhokiphe ani.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Apostolmi 15:1

Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

ISAIAH 51:23

Nongu nedaqoda chekemi eno Nongu vilo, ‘Ihozü lo, ningu no chesü wuni’ ipi chekeqo; eno nongu mqa no ayeghi ghüza momu alaghi toi shino panongu no chewu chekeqo lau I no izüvuive chekeu jukhu eno I loghu chithakhu tsüve nani.”

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

Galatiami 4:25

Hagar ye Arabia lo Sinai Naghuto, li ye itehi Jerusalem sasü kimhelu ani, kughengu li ye li tianuli sasü aqüaxe lo anike.

2 Kor. 11:17

I no aqheküza tsa kiu piani keno ti ye Ampeu pulou lono kumono küghüzümi toi piani.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

LESHELE 119:45

eno ni ye kuqhophe keu laghi lo ililai cheche nani, kughengu ni ye O kükütsütsa phuluvae.

LESHELE 51:12

Ow xakulu lokivi I tsüchile lo, eno pulopinyi keu ghungu pesü I choqhe tsülo.

Galatiami 1:7

Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

James 1:25

Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

Luke 5:38

Ikemu atsaiji kithe pesü ahughi kithe lo sümasae.