FILIPIAMI 4:19 - Sumi Naga CL (Re-edited) Bible (BSI)

¹⁹ Ikehu I Lhou no Khristo Jisü gholo Pa juküvü kinikülü shi akeu kiqi lono nongu vehupu kümtsü kumkhotsü nani.

BAIBEL (BSI)

¹⁹ Eno iLhou no Khristo Jisu gholo kinikulushi akeu lono nongu vehupu kupukuno shitsu nani.

Sümi Tiqhelimi Bible

¹⁹ Eno I Lhou no pa juküvü kiní Khristo Jisü lolo akeu kiqi lono nongu no avehupu shi akeu kümtsü tsü nani.

FILIPIAMI 4:19 Referans Kwoze

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

NEHEMIA 9:15

Panongu müzü ghenguno kungugha lono asho tsü, atüghü ghenguno atuqu lono azü tsüe. Nono panongu tsünike tushoqhi keu yeghi lo ilo no qhasü luvelo pike.

SAMUEL AKINIU 22:7

“I veküsa lono I no Ampeu ku; I no I Lhou kue. Pa chineki lono Pa no I sütsa chilu tsü, eno I küqa no Pa kini lo iloghive.

LESHELE 36:8

O kilo kupukuno shi akeu lo panongu no aghulhu shi, eno Nono O lokiqipu ghoki lono shophe no panoqo piyeke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

Rommi 8:18

Kughengu I no thebei kiqiphelu akeu no itodolo aghime akeqo ye kiu lonomu ningu lau pephe niye akeu juküvü sasü kimhelu kepu kühae.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

LESHELE 130:7

O Israel, Ampeu laju lo! Kughengu Ampeu gholo iqemokeu kikimiye ani, eno Pa gholo qhüchilekulu kupukuno shi ani.

LESHELE 104:24

O Ampeu, O kümlaqo ye ta khijehi kelae! Alokütsü lono Nono tipaqo kümtsü mlake; ayeghiqha ye Ow lhoxüqo no chhitoi ani.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 2:7

Alhou no kimiyeqhiyi keu lono Paw küpükini kimghi kümlapu shi akeu pesü Khristo Jisü küdau no ningu tsükeu ye hithiu tiqheli kutolo pephe piye niye ke.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

YEKIKITHI AKINIU 18:13

Ikemu Micaiah no pi, “Ampeu xü anike I Lhou no I vilo kiu pi keno, ni ye ti pi nani.”

BOTHUBO 48:15

Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

Rommi 1:8

Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

John 20:27

Tishino pa no Thomas vilo pi, “O uloti hile süju eno I u julo; eno o u chhopuwo I jibo bujulo. Lipi kevilo ikemu pülülu lo.”

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Philemon 1:4

I no akighini shikelo alhokuthu o kümsülu eno I Lhou shikimthi acheni,

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

NEHEMIA 5:19

O I Lhou, I no timi hipaqo ghenguno mla tsükeu I kivi kümsülu tsülo.

MATTHEW 6:32

Kughengu thime hipaqo ye Alhou kümthami no akhotoshi phu acheni, eno kungugha lo nongu Papu no nongu ye hi kümtsü avehupu shiani kepi ithi ani.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

YEKIKITHI AKINIU 31:8

Akükau Hezekiah ngo paw kijemi no ghekütsü püakeu ithulu kelo Ampeu sheqhe eno Israel kümgha tsü.