FILIPIAMI 2:14 - Sumi Naga CL (Re-edited) Bible (BSI)

¹⁴ Thokha lo nhenheshi momu kütsala mono mlalo,

BAIBEL (BSI)

¹⁴ Xishikile eno kutsalakile mono thwokha mlalo,

Sümi Tiqhelimi Bible

¹⁴ Nhenheshimo momu kütsalamo no thowkha shilo,

FILIPIAMI 2:14 Referans Kwoze

1 Peter 4:9

Nhenheshi mono nongu kilo lakhino lakhi sasüthi kilelo.

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

FILIPIAMI 2:3

Alikhi asala kümsü keu momu ameküküha juaje pesü kiumu shikevi, ikemu aqhokigheu shino kütamiu no nongu nguno akiviu kepi kihilo.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

Rommi 12:18

Toluke thaqhü, o müzülou ye timi kümtsü sasü külakishi lono xülo.

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

James 1:20

kughengu timi mlokighide ye Alhou mikucho pephelu chemo.

Galatiami 5:26

Ningu qhezamoni momu lakhi no lakhi xukuthomoni momu lakhino lakhi jupe anheshu moni nolo!

Galatiami 5:15

Ikemu nongu no lakhino lakhi mikiqhi eno ghüzakile aye lakhino lakhi kütsave moni mala jualo.

James 3:14

Ikemu nongu mlo lo khumtsai keu nhekushu eno aghükha aghi aye, qheza kevilo eno kichile pesü kuchou shoqa kevilo.

Rommi 14:1

Khuu no aküpülü lo miqemlei ani keno alokivishi ikhiluni thono akükümsü kiyeqü ke ghenguno mto kevilo.

LESHELE 106:25

Panongu no pano phiki lono muchho, eno Ampeu tsa gholu moveke.

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

Apostolmi 15:2

Paul ngo Barnabas pama no panongu sasü kütsala kigheve kethiu, pama gholo timi khami kishe no Jerusalem lo apostolmi eno layemi sasü hipa vehu küptsa penike kughu tsü.

Apostolmi 6:1

Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

1 Thes. 5:13

eno pano kümla ghenguno kikimiye lono agigihu akiqheu tsülo. Nongu dolo külakishi lono xülo.

AKIKIHI 14:27

“I no hi kixikila qoaho kumchho chiluve ake panongu ye khitohi I shou muchho anani kea?

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

Apostolmi 15:39

Eno pama dolo küthamla keu ipeghive kehu pama kütüta shive. Barnabas no pa gholo Mark sasü ashuka lono Cyprus lo wuve.

Apostolmi 15:7

Ighono kütsala juve kethiu, Peter no puthugho no panoqo vilo pi, “Athiküzümiqo, nongu no ithi anike püzüu nomu Alhou no I vecheo Jewkumomi pelo atsakiviu chilu no pülülu penike nongu gholono kishe ke.

Mark 14:5

Kughengu tipau ye atsala lakhi jume aqhe küthü shou no jepe kumlhomi tsüluni cheke.” Panongu no atotiu lomipi.

MATTHEW 20:11

Ti ikhipe panoqo no alu mpeu shou muchho

AHOLE 13:10

Aqheküza ye kuqhumo keu thono kiumu shimlae, ikemu alokütsü ye akükütsütsa lukemi gholo acheni.

Mark 9:14

Panongu no akhopemi kütami lau ighi kelo aqokitikhi kije no vehope Ayezah shikükami sasü kütsala aghi keu panongu no ithulu.

Luke 5:30

Phariseemi ngo Ayezah shikükami no Jisü khopemi lau nhenheshi pi, “Kushiye nongu ye zame küqhami ngo axinemi gholo chusho cheni kea?”